ابو العباس السفاح

ابو العباس السفاح
عباسی خلافت
جیون	754 - 721
خلافت ویلہ	750 - 754

ابو العباس عبداللہ خلافت عباسیہ دا پہلا حکمران سی ۔ بنو امیہ دے آخری حکمران مروان بن محمد نوں زب دی لڑائی وچ ہرا کے خلیفہ بنیا

دریاۓ فرات دے کنڈے تے امویاں تے عباسیاں چ فیصلہ کن جنگ ہوئی تے ابوالعباس دے چاچے عبداللہ علی نے ذوالحجہ 132ھ مروان ثانی دا خاتمہ کرکے اموی سلطنت دا خاتمہ کردتا تے بنو عباس دی حکومت دی بنیاد رکھی ۔

ابو العباس نے اپنی خلافت دے استحکام دی خاطر بہت خونریزی کیتی ۔ بنو امیہ تے تاں اسدیاں سختیاں انتہا تے پہنچ گئیاں ، مردے وی اس دے جوش انتقام توں نا بچ سکے ۔ اکثر امویاں دیاں قبراں کھدوا کے اینہاں دیاں ہڈیاں تک پیس دتیاں گئیاں ۔ اس قتل و غارت تے سفاکی دی وجہ توں ایہہ سفاح دے لقب نال مشہور ہوئیا ، جس دے معنی خونریز دے نیں ۔ اسدیاں سختیاں صرف دشمناں لئی نئیں سن بلکہ اسدے اکثر ساتھی وی اس دے مظالم دا شکار ہوئے ۔ مشہور عباسی داعی ابو سلمہ جہڑا کہ اسدا پہلا وزیر وی سی ، اس دی ایما تے موت دے گھاٹ اتاریا گئیا ۔

حالانکہ ایہہ تحریک سادات تے علویاں دی سی ، اسنوں تاں حادثاتی طور تے اس دی سربراہی مل گئی سی ، پر حکومت لبھن تے اسنے سادات تے علویاں تے بہت ذیادہ مظالم ڈھائے تاکہ اوہ دب جان تے حکومت چ حصہ نا منگن کیونجے علویاں تے سادات دا خیال سی کہ ایہہ تحریک جوں ساڈی سی اس لئی لامحالہ خلافت وی ساڈی ہونی چاہیدی اے ۔