الیکٹریکل کنڈیکٹر
فزکس اتے الیکٹرکل انجینیئرنگ وچ، اک موصل ،چالک جاں کنڈکٹر اوہ چیز جاں کسے خاص مادہ توں تیار کیتی گئی تار ہندی اے، جس وچوں برقی کرنٹ اسانی نال لنگھ سکدا اے۔ عامَ طور تے دھاتاں ولوں بنائیاں گئیاں تاراں دا استعمال بجلئی چالکاں جاں کنڈکٹر تے طور تے کیتا جاندا اے۔ بجلئی کرنٹ نوں نیگٹیو چارج الیکٹروناں، پازیٹو چارج ہولاں اتے اتے کئی وار پازیٹو جاں نیگیٹو آئیناں دے وہاء توں بنایا جاندا اے۔
کاپر دی موصلیت (conductivity) بہت زیادہ ہندی اے۔ انیلڈ کاپر اک انترقومی درجہ اے جس نال ہور سارے بجلئی کنڈیکٹریاں دا موازنہ کیتا جاندا اے۔ سبھ توں ودھیا کاپر دا استعمال بہت سارے بجلی دے کارجاں لئی کیتا جاندا اے جویں کہ برقی موٹر دی وائنڈنگ دی تار، کیبلاں اتے بس-بار وغیرہ وچ۔
چاندی دی موصلیت کاپر نالوں ودھ ہندی اے پر ایہہ مہنگا ہون کرکے اسدا استعمال بہت گھٹ کیتا جاندا اے۔ حالانکہ اسدا استعمال خاص آلات جویں کہ مصنوعی سیارہ وغیرہ بناؤن وچ کیتا جاندا اے۔
ایلومینیئم دا تار، جسدی موصلیت کاپر دی 61% ہندی اے، دا استعمال بجلی دیاں تاراں بناؤن وچ سبھ توں زیادہ کیتا جاندا اے کیونکہ ایہہ کافی سستا ہندا اے۔ بھار دے طور تے ایلومینیئم دی موصلیت کاپر توں زیادہ ہندی اے پر اسدی خاص خاصیتاں کارن اسنوں وائنڈنگ وچ نہیں کیتا جاندا۔
چاندی، تامبے اتے ایلومینیئم دی بجلئی موصلیت 20°C درجہ حرارت تے سجے ہتھ دتی گئی لسٹ وچ درسائی گئی اے۔
| Material | ρ [Ω·m] 20°C تے | σ [S/m] 20°C تے |
|---|---|---|
| سلور (چاندی)، Ag | 1.59 × 10−8 | 6.30 × 107 |
| کاپر (تانبہ)، Cu | 1.68 × 10−8 | 5.96 × 107 |
| ایلومینیئم، Al | 2.82 × 10−8 | 3.50 × 107 |