حسین

حسین دی قبر

حسین (626-680) چوتھے خلیفہ علی دے پتر سن۔ حسین دی ماں دا ناں فاطمہ سی جیڑي پیفمبر اسلام محمد دی دھی سی۔

پہلا جیون

حسین نکی عمر دے سن تے اونہاں دی ماں دا سایہ سر توں اٹھ گیا۔ حسین نے اپنا بچپن تے جوانی مدینہ چ گزاری اونہاں دے وڈے پرا دا ناں حسن سی۔ اس توں علاوہ اونہاں دے 30 دے نیڑے مترے بہن پرا وی سن۔ اونہاں دی جوانی دے ویلے عرب فوجاں ایران تے روم نال لڑ رئیں سن پر حسین نے ایناں چوں کسے چ وی حصہ نئیں لیا۔

علی دی خلافت

حسین دے ابا جی جدوں خلیفہ بنے تے اونہاں دے نال نال رۓ لیکن کسے لڑائی چ اونہاں دا کوئی خاص کردار نئیں سی۔ علی دے مرن توں بعد حسن خلیفہ بنے لیکن اوہ زیادہ نا چل سکے تے اونہاں توں بعد معاویہ خلیفہ بنے تے خسین مدینہ آگۓ۔

کربلا دی لڑائی

جدوں معاویہ دا پتر یزید خلیفہ بنیا تے کوفے دے لوکاں نے حسین نوں بلایا کے اوہ اقتدار سنبھال لین نالے اونہاں نے اونہاں نوں اپنی مدد دا وی یقین دلایا حسین نال تھوڑے چۓ سنگی تے کار دے لوکی سن جنھاں نوں اوہ لے کےکوفہ روانہ ہوۓ پر یزید دی فوج نے اونہاں نوں کربلا دی تھاں تے مار دتا۔

حسین دی ناکامی دی وجہ

حسین دا لڑائیاں دا کوئ تجربہ نئيں سی گا۔ اونہاں نے اپنی ساری عمر مدینے چ فارغ گزاری۔ اوہ لوکاں نوں اپنے آلے پاسے کائل وی نا کر سکے اس توں علاوہ کوفے آلے وی حسین دی مدد نوں نا آۓ۔