رنگرتی
| رنگرتی | |
| |
| پچھان | |
| دیس: | بوٹے |
| برادری: | پھلوالے بوٹے |
| پتی: | ستاوری |
| ٹبر: | رنگرتی |
| ٹوکرے: | 880 |
| ونڈاں: | 21,950 توں 26،049 |
| |
| دنیا تے رنگ رتی دا کھلار | |
رنگرتی پھلوالے بوٹیاں دے اک وڈے ٹبر دا ناں اے۔ ایہدے وچ 880 ٹوکرے تے 21,950 توں 26،000 تک ونڈاں نیں۔ ایہ اکدالے نیں تے بی بنانوالے بوٹیاں دا 6–11% بندے نیں۔ ایہ انٹارکٹکا نوں چھڈ کے ہر دیس وچ ہوندے نیں۔ اپنی سہنپ باہجوں ایہنوں پنجابی ناں رنگرتی دتا گیا اے۔ رنگرتی پنجابی وچ سجی شنگھاری ووہٹی نوں کیندے نیں تے ایس ٹبر دے پھلاں نے وی اپنے آپ نوں چنگا شنگاریا ہوندا اے۔
وکھالہ
[سودھو]رنگرتی دے بوٹے یا دوسریاں جوٹیاں تے اگدے نیں، یا زمین تے تے یا فیر پڑیاں تے۔ادھ توں چوکھیاں ٹراپیکی ونڈاں دوجے رکھاں تے ہوندیاں نیں۔
ساریاں رنگرتیاں سدا اگیاں رہنوالیاں بوٹیاں نیں۔ ایہناں دا کوئی لکڑ دا تنا نہیں ہوندا۔ اک اکھ توں انگوری نکلدی اے تے ہرے پتے سب توں اتوں نکلدے نیں تے ٹاہنی لمی ہوندی جاندی اے۔ وانڈا تے ونیلا وانگوں ایہ ٹاہنی کئی میٹر لمی ہوسکدی اے۔
چوکھے اکدالیاں وانگوں رنگرتیاں دے پتے سادھ تے اوہناں اتے اک سیدھ وچ جاندیاں رگاں ہوندیاں نیں۔ پتے انڈے ورگے، نیزے ورگے تے کئی ناپ وچ ہوندے نیں۔ رنگرتی دے پتے کئی ورے تک ریندے نیں۔
ایھدے پھل انکور دیاں گچھیاں وانگوں لگدے نیں تے کجھ تون لے کے سو تک پھل ہوسکدے نیں۔
اگائی
[سودھو]رنگرتی دیاں وکھریاں ونڈاں وکھرے تھانواں تے اگن باہجوں اکو ول نال اگانا اوکھا اے۔ ہر ونڈ لئی نواں ول چاہیدا اے تے ایس لئی پہلی ونڈ دی پشان ہونی جاہیدی اے۔ پہلی گل ایہ اے جے رنگرتیاں نوں کدے وی زمین تے نہین اگانا جاہیدا اے۔ کجھ زمین تے وی اگدیاں نیں پر لامت رکھاں اتے اگدیاں نیں۔ 70٪ رکھ وسنیاں نیں۔ زمین تے چوکھی گل ہون باہجوں ایہ چھیتی مک جاندیاں نیں۔ ایہناں دے تھلے کوغی پانڈا نہیں رکھنا جاہیدا جیھدے وچ پانی ہوۓ جے ایہ وی گل ہون باہجوں بوٹے دیاں جڑاں سآ نہیں لے سکدیاں۔ ایہناں دیاں جڑاں نوں کجھ دن باہر وی رکھو تے کجھ نہیں ہوندا۔
رنگرتی کوئی ماڑا یا نازک بوٹا نہیں۔ اپنے ایس اوکھے ویلے وج جان باہجوں ایہ نویاں تھانواں تے اسانی نال حی سکدا اے۔
ٹوکرے تے ونڈاں
[سودھو]کیو پھلواری والیاں نے 2005 وچ ایس ٹبر دی گنتی کیتی تے اوہناں 25,158 ونڈاں تے 825 ٹوکرے گنے۔ 1990-2000 دے وشکار ہر ورے 200 توں 500 تک نویاں ونڈاں لبھیاں گیاں۔
ٹوکرے تے ونڈاں
[سودھو]- سنگاپوری رنگرتی
- پکھڑوں رنگرتی
- مکری
- کیٹلیا
- لیلیا
- سوبریلیہ
- پتنگا رنگرتی
- سوانی جتی
- ڈریکولا رنگرتی
- گنگورا
- ونیلا(رنگرتی)
- ملٹونیا
- بارکریا
- وانڈا
| رنگرتیاں | ||||
|---|---|---|---|---|
|
|
.jpg)
| ||
| پکھڑوں رنگرتی | کاسنی گلابی رنگرتی | سوبریلیہ | ||
کھلار
[سودھو]رنگرتی نوں اک جوان ٹبر سمجھیا جاندا اے۔ ایہناں دا سب توں پرانا پرکھ 76 توں 84 ملین ورے پہلے ہویا۔ 65 ملین ورے پہلے کریٹیشس ویلے دے انت تے ایہناں دیاں 5 نکے ٹبر بن چکے سن۔
بارلے جوڑ
[سودھو] |
وکیمیڈیا کامنز چ مورتاں: رنگ رتی |
- امریکی رنگ رتی سنگت Archived 2020-05-17 at the وے بیک مشین
- سوہنیاں رنگرتیاں