فلم

فلم ایسی کہاݨی ہوندی اے جیہڑی چلدیاں مورتاں نال دسی جاندی اے ۔ اے کیمرے نال مورتاں کھچ کے بنائی جاندی اے یا اینیمیشن دی ٹکنیک ورت کے بنائی جاندی اے ۔ فِلم بناونا اک آرٹ تے انڈسٹری بن چکیا اے ۔

فلم کسے رہتل چ بندے نیں اوہدا اشتہار اودی پچھان تے اودے تے ای اثر وی پاندے نیں۔ فلم آرٹ دی اک وڈی ونڈ، تفریچ دا وسیلہ، تے لوکاں نوں سکھلائی دی وڈی راہ اے۔ اکھاں تے اثر پانی والیاں چیزاں پوری دنیا نوں اپنے ول کھچدیاں نیں۔ کج فلماں ایڈیاں مشہور ہوجاندیاں نں جے اوہ دوجیاں بولیاں چ پلٹ دتیاں جاندیاں نیں۔ فلم کلیاں تصویراں دی اک لگاتار لین ہوندی اے۔ ایناں کلیاں مورتاں نوں جدون کٹھیاں چلایا جاندا اے تے ویکھن والا نوں کسے دے چلن دی دس پیندی اے۔

ناں فلم فوٹوگرافک فلم توں بنیا اے۔ فلم نوں سینما، وڈی سکرین تے امریکہ چ مووی وی کیا گیا اے۔

تریخ

ڈرامہ تے ناچ نلم توں ہزاراں ورے پہلے توں چل رہے نیں تے ایناں چ فلم والے سارے ول یعنی سکرپٹ سیٹ کاسٹیوم پروڈکشن ڈائریکشن ایکٹر تے تماشائی ہوندے نیں۔ فلم انیسویں صدیا دی آخری دہائیاں چ لوکاں اگے آئی پر اے امریکہ چ میچور ہوئی۔

1880 دے ورھیاں وچ موشن پکچر کیمرا بنایا گیا جیہدے نال ایہ ہویا اے کہ کلیاں مورتاں نوں کٹھیاں اک ریل تے رکھیا جاسکدا سی تے ایہدے نال فیر موشن پکچر پروجیکٹر وی بنایا گیا جیہڑا فلم چ چانݨ مار کے اونآں دور کسے وڈی سکرین تے وڈا کرکے دیکھہ سکدا سی جیدے نال چوکھے وڑے لوک فلم ویخ سکدے سن۔ اے فلمی مورتاں والیاں ریلاں موشن پکچرز اخوائیاں۔ 20ویں صدی دے ٹرن تے مورتاں نوں جوڑ کے کعانی وچ پائی گئی۔ پر اوس ویلے ایڈیٹنگ تے ہور فلمی ٹیکنیک نیں سی ہیگیاں۔ پہلی وڈی لڑائی دی بنا تے یورپی سینما دے اگے ودن تے رکاوٹ پئی پر اینج امریکی سینما چوکھا اگے نکل گیا۔ 1920 دی دہائی چ موسیقی تے واز وی نال جوڑیاں گیاں فلماں بولدیاں فلماں یا ٹاکیز اخوائیاں۔ 1960 دی دہائی دے انت تک رنگ والیاں فلماں دافیشن ٹر پیا تے کالی چٹی فلم بنانی مکادتی گئی۔

پنجاب چ فلم

پنجابی بولی چ بنن والی سب توں پہلی فلم پنڈ دی کڑی سی اے 1935 چ کلکتہ چ بنی اینوں کے ڈی مہرا نے بنایا