فلپ فرانز فان زیبولڈ

فلپ فرانز فان زیبولڈ (فروری 17, 1796 – اکتوبر 18, 1866) اک جرمن ڈاکٹر تے پھرنوالا سی۔ اوہنے جپان وچ یورپی دوائیاں دی دس دتی۔ یورپ اوہدے ہتھوں جپانی بوٹیاں،، جانوراں تے رہتل بارے جانو واقف ہویا۔

جم پل

فلپ فرانز فان زیبولڈ 17 فروری 1796 وچ جرمنی دے تھاں باویریا دے شہر ورزبرگ وچ جمیا۔ ورزبرگ یونیورسٹی توں پڑھنے پیا تے 1820 وچ اوہ ڈاکٹر بن گیا۔ الیگزنڈر فان ہمبولٹ دیاں کتاباں پڑھ کے اوہدے دل وچ دوجے دیساں وچ پھرن دی تانگ جاگی۔

جپان وچ

نیدرلینڈز دی سمندری فوج وچ ڈاکٹر بن کے اوہ جاوا آیا۔ ڈچاں نال اوہ 11 اگست 1823 نوں ناگاساکی، جپان اپڑیا۔ جپانی سینسداناں نے اوہدے کولوں روگاں نوں ٹھیک کرن دے یورپی ول سکھے تے اوہنے جپانیاں کولوں جپانی رہتل بارے سکھیا۔ اوہنے جپانیاں نوں ٹیکے لاکے روگی ہوں تون پہلے بچن دا ول دسیا۔

زیبولڈ نے 50 جپانیاں نال اک ڈاکٹری سکول دی نیو رکھی۔ جتھے ڈچ بولی وچ ایہناں نوں پڑھایا جاندا سی۔ اوہدے جپانی شگرد اوہدی سیوا ونسونیاں شیواں دی سغات نال کردے سن۔ اک جپانی سوانی توں اوہدی اک دھی وی ہوئی۔

جپان وچ اوہدا اچیچا شوق اوتھوندے بوٹے تے جانوراں نوں کٹھا کرنا سی۔ اپنے کوٹھے نال اوہنے اک نکی پھلواری بنائی سی جتھے اوہنے جپانی بوٹے اگاۓ‎ سن تے کئیاں نوں اوہنے شیشے وج رکھیا سی جے اوہناں نوں نیدرلینڈز دے موسم نال چلن جوگا بنا سکے۔ اینج اوہنے 1000 دے نیڑے بوٹے کٹھے کیتے۔ 1826 وچ جپانی سرکار نے اوہدے کول جپان دے نقشے ہون تے جناں دا کول رکھنا ٹھیک نئیں سی نالے روس لئی جسوسی کرن دے الزام تے اوہنوں جپان چھڈن دا کیاتے 22 اکتوبر 1829 نوں اپنے بوٹیاں، جانوراں تے ہور شیواں نال اوہنوں جپان توں کڈدتا۔

نیدرلینڈز

زیبولڈ میوزیم ناگاساکی

جپان تے جاوا دے سفر تے اوتھے 8 ورے رہن مگروں زیبولڈ 7 جولائی 1830 نوں واپس نیدرلینڈز اپڑیا۔ اوہدے کول 32000 دے نیڑے بوٹیاں تے جانوراں دیان ونڈاں سن جیہڑیاں ڈچ سرکار نے اوہدے کولوں مل لے لیاں۔ اوہدیاں شیواں نال جیہڑیاں اوہ جپان توں لیایا سی کئی میوزماں دا مڈ رکھیا گیا۔

1833 تے 1850 دے وشکار جپانی جانوراں تے اوہنے (The Fauna Japonica) ناں دی کتاب لکھی۔ (Flora Japonica) دے ناں تے جپانی بوٹیاں تے 1835 وچ جرمن بوٹا گرو جوزف گیرہارڈ زکارینی دی ہتھ ونڈائی نال اک کتاب لکھی۔

1859 وچ اوہنے جپان دا اک ہور پھیرا پایا۔ 18 اکتوبر 1866 نوں میونخ وچ اوہ مرگیا۔

زیبولڈ دے ناں تے بوٹے

• زیبولڈ میپل (Acer sieboldianum)
• زیبولڈ میگنولیا (Magnolia sieboldii)
• زیبولڈ سیب (Malus sieboldii)

جپانی بوٹے

زیبولڈ میوزیم

• زیبولڈ میموریل میوزیم ناگاساکی
• سٹیٹ میوزیم اف ایتھنالوجی میونخ
• زیبولڈ میموریل ورزبرگ

جپانی پنچھی

جپانی رہتل

بارلے جوڑ

• جپان دے جانور تے بوٹے Archived 2007-10-12 at the وے بیک مشین
• جپان دے جانور Archived 2014-10-26 at the وے بیک مشین – ٹوکیو یونیورسٹی
• جپان دے بوٹے Archived 2012-10-31 at the وے بیک مشین – ٹوکیو یونیورسٹی
• زیبولڈ یونیورسٹی ناگاساکی Archived 2005-04-07 at the وے بیک مشین
• زیبولڈ ہاؤز – لیڈن وچ میوزیم
• زیبولڈ میوزیم Archived 2007-03-11 at the وے بیک مشین ورزبرگ

اتہ پتہ