نازی گولڈ
دوسری جنگ عظیم دے دوران جرمنی نے جو سونا دوسرے ملکاں دے بینکاں وچ بھیجیا اوہ نازی گولڈ کہلاندا اے۔ اس وچ اوہ سونا وی شامل سی جو جرمناں نے دوسرے ملکاں نوں فتح کر کے لُٹیا سی۔ جدوں جرمنی شکست توں دوچار ہويا تاں اتحادی افواج نے جرمناں دا سارا سونا پرت لیا۔
فریکفرٹ توں 85 میل دے فاصلے اُتے اک نمک دی کان اے جسنوں Merkers دی کان کہیا جاندا اے۔ جرمنی نوں فتح کرنے دے بعد اتحادی افواج نوں پتہ چلا کہ جرمناں نے اپنا سونا ایتھے نمک دی کان وچ 2000 فٹ دی گہرائی وچ چھپایا اے۔ اتحادی افواج نے اوتھے توں 250 ٹن سونا، قیمتی پینٹنگز، دوسرے ملکاں دی کرنسی تے آرٹ دے بے شمار شاہکار بازیاب کیتے، لیکن ایہ اج تک معلوم نہ ہوئے سکیا کہ فیر انہاں دا کیہ بنیا۔
