ٹوائیلائیٹ (ناول لڑی)

ٹوائیلائیٹ (ناول لڑی)

فائل:The twilight saga hardback.jpg ٹوائیلائیٹ (ناول لڑی) دا پورا سیٹ
لکھاری	سٹیفنی میئر
دیس	امریکہ
بولی	انگریزی
صنف	نوجوان-ساہت، فینٹسی، رمانس
چھاپن آلے	لٹل براؤن
تریخ اشاعت	2005–08
قسم ذرائع ابلاغ	پرنٹ

ٹوائیلائیٹ امریکن ناول کار سٹیفنی میئر دے چار ناولاں دی اک لڑی ہے جو اک پشاچ دی اک انسان کڑی نال محبت دی کہانی ہے| اس لڑی اپر پنج فلماں دی اک لڑی وی بنی ہے جو کہ دا ٹوائیلائیٹ ساگا ہے|

مڈھلی جانکاری

ٹوائیلائیٹ

ٹوائیلائیٹ (انگریزی: Twilight ) سٹیفنی میئر دا لکھیا امریکی ناول ہے| ایہہ ٹوائیلائیٹ لڑی دا پہلا ناول ہے جو اک پشاچ دی اک انسان کڑی نال محبت دی کہانی ہے|ٹوائیلائیٹ نوں شروع وچ 14 پرکاشناں دوارا ردّ کر دتا گیا سی پر جد اسنوں 2005 وچ ہارڈبیک روپ وچ چھاپیا گیا تاں نیویورک ٹائیمس دی بیسٹسیلر سوچی وچ اسنے پنجویں ستھان نال شروات کیتیاتے چھیتی ہی ایہہ پہلے نمبر تے وی آ گیا|اسے سال اسنوں سرووتم بال پستک سنمان وی ملیا|ایہہ ناول 2008 دی سبھ توں ودھ بکن والی پستک وی سی| اتے 2009 دی دوجی سبھ توں ودھ بکن والی پستک سی| پہلے نمبر اپر اس پستک دا اگلا بھاگ نیو مون چل رہا سی|ایہہ ہن تکّ 37 بھاشاواں وچ انوواد ہو چکی ہے|

نیو مون

نیو مون سٹیفنی میئر دا لکھیا امریکی ناول ہے| ایہہ ٹوائیلائیٹ لڑی دا دوجا ناول ہے جو اک پشاچ دی اک انسان کڑی نال محبت دی کہانی ہے| ناول پہلے بھاگ دی مکی گھٹنا توں مڑ شروع ہندا ہے جد ایڈورڈ استوں دور چلا جاندا ہے| سٹیپھنی میئر دے انوسار ایہہ ناول اک گواچے پیار دی کہانی ہے| سرلیکھ 'نیو مون' بیلا دی زندگی وچ اس نویں پکھ دا پرتیک ہے جو کہ مسیا پکھ دے ہنیرے وانگ ہنیر بھریا ہے| ناول ستمبر 6, 2006 نوں پہلی وار رلیز ہویا تے پہلی وار اسدیاں 100,000 کاپیاں چھپوائیاں گئیاں| رلیز ہندے سار ہی ایہہ ناول چرچہ دا وشا بن گیا اتے نیویورک ٹائیمس اتے یوئیسٹوڈے دی بیسٹسیلر سوچی وچ پہلے نمبر توں شروات کیتی' اتے 2008 وچ 5.3 ملیان کاپیاں بکن کارن ایہہ سرووتم بال پستک وی بنی| ایہہ 2009 دی بیسٹ سیلر پستک سی| ایہہ 38 بھاشاواں وچ انوواد ہو چکی ہے| اس ناول نوں آلوچکاں ولوں وی سراہیا گیا تے اسنوں آدھونک پریت قصیاں وچوں اک اہم کہانی ایلانیا| اس ناول اپر 2009 وچ اک فلم وی بنائی گئی جو کہ اسے ناں تے سی|

ایکلپس

اکلپس سٹیفنی میئر دا لکھیا امریکی ناول ہے| ایہہ ٹوائیلائیٹ لڑی دا تیجا ناول ہے جو اک پشاچ دی اک انسان کڑی نال محبت دی کہانی ہے| 2010 وچ اس ناول دا فلم روپانترن وی کیتا گیا جو کہ دا ٹوائیلائیٹ ساگا: اکلپس سی| اس فلم نوں وی بہت پسند کیتا گیا تے کمائی پکھوں وی ایہہ سفل رہی|

بریکنگ ڈان

بریکنگ ڈان سٹیفنی میئر دا لکھیا امریکی ناول ہے| ایہہ ٹوائیلائیٹ لڑی دا چوتھا اتے آخری ناول ہے جو اک پشاچ دی اک انسان کڑی نال محبت دی کہانی ہے| ناول 2 اگست 2008 نوں 4,000 کتاب-گھرامب وچ اکو سمیں رلیز کیتا گیا| چھپدے سار ہی اسدیاں 3.7 ملیان کاپیاں اکو دن وچ وک گئیاں جو کہ اک عالمی ریکارڈ وی ہے| اس ناول دو حصیاں وچ ونڈ اس اپر دو فلماں وی بنیاں جو کہ دا ٹوائیلائیٹ ساگا: بریکنگ ڈائن 1 اتے دا ٹوائیلائیٹ ساگا: بریکنگ ڈان 2 سن|

ناولاں دے پلاٹ

ٹوائیلائیٹ

اصل مضمون: ٹوائیلائیٹ (ناول)

بیلا اپنے پتا چارلی نال پھونکس دے گرم علاقے نوں چھڈّ واشنگٹن آ جاندی ہے| اک بے حد شرمیلی کڑی ہون کارن اوہ اس گلّ توں پریشان ہو جاندی ہے کہ نویں کالج وچ بہت سارے منڈے اسدا دھیان کھچن لئی سارا دن پٹھیاں-سدھیانں حرکتاں کردے رہندے ہن| اوہ ایڈورڈ دے نال بیٹھ جاندی ہے جو اسنوں لگدا ہے کہ اس اسنوں بالکل نہیں پسند کردا پر بیلا نوں اس نال پیار ہو جاندا ہے| ایڈورڈ دکھن وچ بہت عجیب ہے تے بیلا دے من وچ اس بارے جانن لئی اتسکتا پیدا ہو جاندی ہے| اوہ ہور وی حیران ہو جاندی ہے جد اک ایکسیڈینٹ دوران ایڈورڈ بیلا نوں بچاؤن لئی اک ہتھ نال کر روک دندا ہے| اوہ ایڈورڈ توں وار وار کئی سوال کردی ہے پر ایڈورڈ اسنوں نوں استوں دور رہن دی صلاحَ دندا ہے| اک پروارک متر جیکوب توں اوہ جان لیندی ہے کہ ایڈورڈ اک پشاچ ہے اتے پشاچ اوہ مرت-منکھ ہندے ہن جو جیوندے منکھاں دا خون پی کی زندہ رہندے ہن| بیلا اسدی ایہہ سچائی پتہ لگن توں بعد وی اسدے نال رہنا چاہندی ہے تے استوں بعد اگلیاں مصیبتاں اس ناول دا آکرشن ہن|

نیو مون

اصل مضمون: نیو مون (ناول)

ناول اسابیل سوان اتے ایڈورڈ کلن دی پریم-کہانی توں مڑ شروع ہندا ہے| بیلا دے جنم دن اپر ایڈورڈ اتے اسدے پریوار والے بیلا لئی اک پارٹی رکھدے ہن| جنم دن دا اک تحفہ کھولدیاں بیلا دے ہتھ اپر اک کٹّ لگّ جادا ہے تے خون وگن لگّ پیندا ہے| پشاچ کیونکِ خون دے سہارے ہی جیوندے ہندے ہن، اسلئی اوہ خون ولّ تیزی نال آکرشت ہندے ہن| خون دی گندھ نال ایڈورڈ دا گود لیا بھرا جیسپر تیزی نال بیلا ولّ ودھدا ہے پر ایڈورڈ اسنوں روک لیندا ہے| ایہہ گلّ سپشٹ ہو جاندی ہے کہ اک انسان دے اپنے آلے دوآلے ہندے ہوئے پشاچ اسنوں اپنا شکار بنن توں نہیں روک سکدے پر بیلا ایڈورڈ دی پریمکا ہون کارن اوہ اس نال اجیہا نہیں کرنا چاہندے سن| سو، کلین پریوار شہر چھڈّ دندا ہے اتے بیلا دی ایڈورڈ توں جدائی ہی اسدی نویں زندگی دی شروات ہے| ایہناں اوکھے پلاں وچ اوہ زندگی نوں مڑ جیون دی کوشش کردی ہے| اوہ بائک چلاؤن سکھدی ہے اتے اپنے پرانے دوست جیکوب نال نیڑتا ودھاؤندی ہے| اوہ جنا ایڈورڈ نوں بھلاؤن دی کوشش کردی ہے، اوہ اونا یاد آؤندا ہے| جیکوب نال رہکے اوہ ہولی ہولی ایڈورڈ نوں لگبھگ بھلّ چکی ہندی ہے پر اتیت مڑ اسدا دروازہ کھڑکا دندا ہے| ایڈورڈ نوں اک رات سپنا آؤندا ہے کہ بیلا نے آتم-ہتیا کر لئی ہے| اوہ اسے نوں سچ منّ پشاچاں دے مکھی ولتری کول آؤندا ہے تے اسنوں سبھ کجھ دسّ دندا ہے تے موت منگدا ہے کیونکِ بیلا توں بنا اوہ ہن نہیں جیونا چاہندا| ولتری ایڈورڈ نوں دسدا ہے کہ بیلا ناں دی اک منکھی شے حالے وی ہے جسنوں پشاچاں دے راز پتہ ہن| اجیہی شے اوہناں دی ہوند لئی خطرناک سی| سو، ولتری ایڈورڈ ساہمنے دو وکلپ رکھدا ہے کہ جاں تے اوہ بیلا نوں مار دوے جاں پھر اسنوں وی پشاچ بنا دوے| انت وچ کلین پریوار بیلا نوں اپنے وچ ملاؤن لئی سہمت ہو جاندا ہے|

اکلپس

اصل مضمون: ایکلپس (ناول)

اکلپس شروع ہندا ہے امریکہ دے واشنگٹن شہر وچ اچانک ودھ رہے کجھ عجیب حملیاں نال| ایہہ حملے نہ تاں پشاچاں دوارا ہو رہے ہن اتے نہ ہی نر-بھیڑیاں دوارا| ایڈورڈ نوں احساس ہندا ہے کہ شہر کسے اجیہی تیجی خطرناک شے دی گرفت وچ ہے جو منکھی خون دی بری طرحاں پیاسی ہے تے ہن اسنوں پراپت کرن لئی کسے وی حد تکّ جا سکدی ہے| اس واری صدیاں دے دشمن منے جاندے پشاچ اتے نر-بھیڑیئے ملکے اس مصیبت دا ساہمنا کردے ہن| پتہ لگدا ہے کہ ایہناں حملیاں دی ذمہ وار وکٹوریا ہے جو اپنے مرحوم ساتھی جیمس دا بدلہ لے رہی ہے|ایڈورڈ اسنوں اتے اسدے ساتھیاں نوں ختم کر دندا ہے| اسے دوران جیکوب بیلا ساہمنے ویاہ دا پرستاو رکھدا ہے پر بیلا اسنوں انکار کر دندی ہے| جیکوب نوں بعد وچ ایہہ وی پتہ لگّ جاندا ہے کہ بیلا تے ایڈورڈ اک دوجے نوں پیار کردے ہن تے اوہ جلد ہی ویاہ کراؤن والے ہن| جیکوب انت وچ کدھرے گم نام تھاں تے چلا جاندا ہے|

بریکنگ ڈان

اصل مضمون: بریکنگ ڈان (ناول)

ناول پچھلے ناول ایکلپس توں اگے شروع ہندا ہے| بیلا اتے ایڈورڈ نے ویاہ کرا لیا ہے| بیلا نے اپنی منکھی زندگی نوں قربان کر اک پشاچ دی روح نوں سویکار کر لیندی ہے تانکِ اوہ اوہ اوہناں سبھ دی جان بچا سکے جو اس دے پیارے ہن| اس ناول دے تنّ حصے ہن| پہلا اتے تیجا حصہ بیلا دے نظرئیے توں لکھے گئے ہن اتے دوجا حصہ جیکوب دے نظرئیے توں| ناول دے پہلے حصے وچ بیلا اتے ایڈورڈ دے ویاہتا جیون دا ورنن ہے جو اوہ برازیل دے اک ٹاپو اپر گزاردے ہن| ویاہ دے کجھ سمیں بعد اسنوں محسوس ہندا ہے کہ اس دے گربھ وچ اجیہا بچہ ہے جو ادھا منکھ اتے ادھا پشاچ ہے| جد ایہہ گلّ ثابت ہو جاندی ہے تاں ایڈورڈ اتے بیلا اس مصیبت توں بچن لئی واشنگٹن مڑ آؤندے ہن| ناول دے دوجے حصے وچ پیار وچ ہاریا جیکوب دا ورنن ہے| جد بیلا دے گربھ دی خبر اس تکّ پہنچدی ہے تاں اوہ ہور پریشان ہو جاندا ہے| ناول وچ سارے بیلا دے گربھ نوں ختم کرن دی کوشش کردے ہن تانکِ اسنوں اک خطرناک ستھتی توں بچایا جا سکے پر گربھ بہت تیزی نال وکاس کر جاندا ہے| اک بچی رینسمی نوں جنم دین مگروں اسدی حالت ہور خراب ہو جاندی ہے| اسدا خون اینا زیادہ وگ جاندا ہے کہ اوہ مرن کنڈے پہنچ جاندی ہے تے پھر ایڈورڈ اسنوں دل دے کول کٹّ لیندا ہے جس نال اک پشاچ دے خون دے میل نال اوہ دوبارہ جیوت ہو اٹھدی ہے پر ہن اوہ وی پشاچ بن چکی ہندی ہے| ناول دے تیجے حصے وچ بیلا دے پشاچ ہو جان کارن اسدے شریر وچ عجیب بدلاو آؤن لگدے ہن| اوہ سبھ کجھ محسوس کرن لگدی ہے جو پشاچ کردے ہن| انت وچ اوہ ایڈورڈ نوں اسدا دماغ پڑ کے سناؤندی ہے جو اسدے پشاچ دے روپ وچ پورنتا ڈھل جان دی پشٹی کر دندا ہے|

حوالے