کھیت
فارم یا کھیت (Farm) اوہ کھیتر اے جیہڑا کھیتی باڑی ، اناج ، سبزیاں ، پَھل فروٹ تے ہور فصلاں پیدا کرن تے ڈنگر پالݨ لئی مُختص اے ۔ فارم بنیادی طور تے خوراک دی پیداوار لئی بݨائے جاندے نیں ۔ ترقی یافتا دیساں وچ فارمنگ دا جدید نظام تائج اے ۔
فارم دیاں قسماں
[سودھو]فارماں دیاں کئی قِسماں نیں ، خوراکی فارماں وچ نباتیاتی تے حیوانیاتی دوناں طرحاں دے فارم شامل نیں ۔ فارم نِجی طور تے وی چلائے جاندے نیں تے کارپوریٹ سیکٹر وی چلاوندا اے ۔ فارماں دے کھیتراں وچ ڈنگر پالݨ ، مچھلی فارم ، پولٹری فارم وغیرا شامل نیں ۔
ڈیری فارم
[سودھو]
ڈیری فارمنگ کھیتی باڑی دی اک قِسم اے ، جِتھے ددھ تے گوشت لئی بکریاں ، بھیڈاں ، مجھاں ، گاں واں تے اونٹھ وغیرا پالے جاندے نیں ۔
پولٹری فارم
[سودھو]
پولٹری فارم عام طور تے گوشت تے آنڈےآں لئی بنائے جاندے نیں ۔
مچھلی فارم
[سودھو]اوہ فارم جِتھے مچھلیاں پالیاں جاندیاں نیں ۔ ایہدے واسطے پاݨی دی لوڑ ہُندی اے ۔ پاݨی دی مخصوص سٹوریج توں علاوا جھیلاں ، نہراں ، ندیاں وغیرا نوں وی مچھلی فارمنگ لئی ورتیا جاندا اے ۔