ہڈسن دریا

ہڈسن دریا امریکہ دے صوبے نیویارک وچ ایھدے چڑھدے ول اتر توں دکھن ول وگدا اے تے ایہدی لمبائی 315 میل (507 کلومیٹر) اے۔ ایہ اتلے نیویارک وچ اک جھیل ہینڈرسن توں نکلدا اے تے دکھن ول نیو یارک صوبے دے راجگڑھ البنی کولوں لنگھدا تے نیویارک شہر کول ایہ نیو جرسی صوبے نال نیویارک دا بارڈر بناندا اے۔

ایہدا ناں اک انگریز سمندری کھوجی ہنری ہڈسن دے ناں تے اے جیہڑا ڈچ ایسٹ انڈیا کمپنی دا ملازم سی۔ اونے ایس دریا نوں 1609 وچ لبیا تے اوسے دے ناں تے کینیڈا دا ہڈسن بے وی ہے۔ موہاک دریا لیندے ولوں ایہدے نال ملن والا سب توں وڈا دریا اے۔ موہاک دریا نال ملدی ایری نہر ہڈسن دریا تے فیر نیویارک دے سمندری اڈے نوں بفیلو کول وڈیاں جھیلاں نال ملاندی اے۔