آبنائے ملاکا

آزاد انسائیکلوپیڈیا، وکیپیڈیا توں
آبنائے ملاکا دا نقشہ

آبنائے ملاکا (انگریزی: Strait of Malacca)، جزیرہ نما ملائیشیا تے انڈونیشیا دے جزیرے سماٹرا دے درمیان اک آبنائے آ۔

محل وقوع تے اقتصادی لحاظ نال ایہ نہر سویز تے نہر پاناما ونگوں دنیا دیاں اہم ترین بحری گزرگاہواں وچ شمار ہُندی اے۔ ایہ بحر ہند تے بحرالکاہل دے درمیان بحری جہازاں دے لنگھن دا مرکزی رستا دیندی اے تے ایداں دنیا دے تن گنجان آباد ترین مُلکاں بھارت، انڈونیشیا تے چین نوں مُنسلک کردی اے۔ اس آبنائے توں سالانہ 50 ہزار بحری جہاز لنگھدے نیں۔ دنیا بھر وچ تیل دی کل جہاز لدائی دا اک چوتھائی اس گزرگاہ توں لنگھدا اے۔ 805 کلومیٹر لمبی رودباد سنگاپور دے نیڑے رودباد فلپس دے مقام اُتے صرف ڈیڑھ بحری میل یا 2.8 کلومیٹر چوڑی اے۔ ایہ ایہدا سبھ توں تنگ علاقہ اے۔