برج العرب

Wikipedia توں
جاؤ: پاندھ, کھوج
Burj Al Arab and 360 degree club, Dubai, UAE.jpg
برج العرب
Burj Al Arab


برج العرب کٹھیاں عرب امارتاں دے سب توں وڈے شہر دبئی دا اک ہوٹل ہے ، جس نوں دنیا دا پہلا 7 تارہ ہوٹل وی کیا جاندا اے ۔ ایہہ دبئی دے ساحل توں 280 میٹر پرے اک آپ بناۓ گۓ جزیرے تے اے تے اک پل راہیں دبئی نال جڑیا ہوئیا اے ۔


ڈیزائن تے تریخ[لکھو]

برج العرب نوں ڈبلیو ایس ایٹکنز بی ایل سی دے ٹام رائیٹ نے ڈیزائن کیتا سی ۔ ہوٹل دی تعمیر دا آغاز 1994ء چ ہوئیا تے یکم دسمبر 1999ء چ پہلی واری اسدے بوہے مہماناں لئی کھولے گئے ۔ برج العرب نوں اس طرچ ڈیزائن کیتا کئیا اے کہ دور توں ویکھن چ ایہہ ساحل دے کنارے کھڑی اک وڈی بادبانی کشتی لگے ۔

ہوٹل دی اندرونی تزئین تے آرائش کے سی اے انٹرنیشل دے ڈیزائین پرنسپل کھوان جیو نے کیتی اے ۔ کھان جیو دے دوجے منصوبیاں چ سلطان برونائی دا محل ۔ دبئی دا بین القوامی ہوائی اڈا ، جمیرہ بیچ ریزورٹ ڈیولپمنٹ ، مدینہ ریزورٹ وغیرہ شامل نین ۔


دنیادا مہنگاترین ہوٹل[لکھو]

برج العرب دنیا دے مہنگے ترین ہوٹلاں چوں اک اے ، جتھے اک رات دے قیام لئی گھٹوگھٹ 1ہزار تے ودھ توں ودھ 15 ہزار ڈالر خرچ کرنے پیندے نیں ۔ رائل سوٹ سب توں مہنگا اے ، جتھے رہائش دی قیمت 28 ہزار ڈالر فی رات اے ۔ ہوٹل دی تعمیر تے تزئین و آرائش تے خرچ ہون والی رقم کدی ظاہر نئیںکیتیگئی۔