بیلیسٹک میزائل

Wikipedia توں
جاو: مدد, کھوج
برطانیہ دے ٹرائیڈنٹ میزائل دا تجربہ۔

بیلیسٹک میزائل میزائلاں دی اک ونڈ اے جیہڑا کہ اپنے نشانے تک پہنچن لئی زمین دے مدار وچ اُڈدا اے تے پہلاں توں ہی دسے گۓ نشانے نوں تباہ کر دیندا اے۔ ایس میزائل دی اڈاری تین حصیاں تے پھیلی ہوندی اے۔ پہلے حصے وچ ایہنوں میزائل دا بالن تکا لاندا اے۔ اے حصہ سیکنڈاں توں لے کے کئی منٹاں دے دورانیے دا ہو سکدا اے تے ایس وچ کئی راکٹ سٹیجاں وی شامل ہوندیاں نیں۔ دوجے حصے وچ ایہہ زمین دے مدار وچ اُڈدا اے تے ایہنوں کوئی تکا نئیں لگ ریا ہوندا تے اس حصے دے دوران اے 1200 کلومیٹر دی اُچائی تے وی پہنچ جاندا اے۔ ایس توں بعد والے حصے وچ ایہہ زمین ول واپس مڑدا اے تے ڈگنا شروع ہوجاندا اے۔ نویں میزائل ایس حصے دے دوران ایدھر اودھر مڑ کر اپنا نشانہ ٹھیک کردے نیں اس کم لئی اوہ جی پی ایس سسٹم دی مدد لیندے نیں۔

پہلا بیلسٹک میزائل جرمناں دا بنایاہویا اے-4 جنوں عام طور تے وی-2 کیہندے نیں ۔ ایہنوں جرمنی وچ والٹر ڈونبرگر دیاں اکھاں تھلے 1930-1940 تک بنایا گیا۔ ایہدا پہلا تجربہ 3 اکتوبر 1942 نوں کیتا گیا تے پیرس دے خلاف 6 ستمبر 1944 نوں پیرس، فرانس دے خلاف استعمال کیتا گیا تے دو دناں دے بعد لندن، برطانیہ دے خلاف۔ دوجی جنگ عظیم دے آخر تک جرمناں نیں 3000 وی-2 میزائل چلاۓسن۔