جبوتی (شہر)

Wikipedia توں
جاؤ: پاندھ, کھوج
جبوتی
Dj-map.png
100px
چنڈا
نشان
دیس: جبوتی
رقبہ:
لوک گنتی: 400,000
Djibouti Port.JPG

جبوتی شہر جبوتی دا سب توں وڈا شہر تے راجگھر اے ، جہڑا خلیج عدن تے خلیج تاجورا دے درمیانی جزیرہ نما تے واقع اے ۔ تے جبوتی دے 6 انتظامی علاقےآں چوں اک اے ۔ شہر دا ابادی 4 لکھ لوکاں تے مشتمل اے ۔ شہر نوں ریل دے راہیں ادیس ابابا ، اتھوپیا نال ملائیا گئیا اے ، جہڑی ادیس ابابا توں ہندی ہوئی زمباوبے دے راجگھر ہرارے جاندی اے ۔ جدوں کہ ہوائی رابطے لئی جبوتی انبولی انٹرنیشنل ایئر پورٹ بنائیا گئیا اے ۔ شہر دے اتلے لہندے چ بندرگاہ اے جسدے راہیں بین الاقوامی ترسیل ، ماہی گیری تے دوجے شہراں جداں اوبوک تے تاجورا لئی کشتی رانی کیتی جاندی اے ۔

فرانس دے مل ہیٹھ 1888ء چ جبوتی شہر دی بندرگاہ تعمیر کیتی گئی تے 1891ء چ اسنوں تاجورا دی تھاں راجگھر دا درجہ دے دتا گئیا ۔ اس دے مگروں جدوں تک جبوتی فرانس دے مل ہیٹھ رہئیا جبوتی شہر ای اسدا صدرمقام رہئیا تے آذاری دے مگروں توں ہن تک وی جبوتی شہر ای راجگھر اے ۔ جبوتی افریقہ چ یورپی کالونی دی طرز تے تعمیر کیتا گئیا شہر اے جسدے اتلے ساحلاں تے تفریحی ساحل (بیچ) بنائے گئے نیں ، تے مرکز چ اک وڈی مرکزی منڈی ، ستادے دور ویلے (کھیڈاں دا سٹیڈیم ) ، شاہی محل تے ہامولی مسجد واقع نیں