حافظ احمد یسوی
خواجہ حافظ احمد یسوی نقشبندی نقشبندیہ دے بزرگ تے صاحب خوارق و کرامات نیں.
آپ خواجہ احمد یسوی ترکستانی دی اولاد وجوں نیں اپنے وطن توں نکل کے عرب دے سارے علاقےآں مکہ، مدینہ، بیت المقدس، شام ،عراق ،روم تے روس وغیرہ دی سیاحت کیتی اس دے بعد ہندوستان دا رخ کیتا ہندوستان توں کشمیر چلے گئے اوتھے اک جگہ پسند آئی تے مخلوق خدا توں کنارہ کش ہو کے عبادت و ریاضت وچ مشغول ہو گئے آپ شیخ ملا شاہ دی خانقاہ اُپر کدی کدی تشریف لے جاندے ۔ چند سال انہاں ای معمولات وچ جدوں گذرے تاں خواجہ نظام الدین بن معین الدین بن خواجہ خاوند محمود انہاں دی خدمت وچ حاضر ہوئے تے اپنے اپنے نال لے جانے اُپر آمادہ کیتا تے اپنے شہر وچ انہاں لئی اک رہائش دی جگہ وی مختص کر دتی۔
خواجہ نظام الدین دی وفات دے بعد انہاں د جانشین خواجہ نور الدین محمد آفتاب دے مرید ہو گئے تے سلوک نقشبندیہ دی تکمیل کیتی مخلوق خدا آپ دے ول کھچی چلی آئی تے فیض یاب ہون لگی ۔
آپ کچھ عرصہ تک ایسے مسند ارشاد اُپر سالکان طریقت دی تربیت کردے رہے تے 3 ذی الحجہ 1114ھ وچ وفات پائی تے کشمیر وچ آپ دا مزار اے۔[۱]
حوالے[سودھو]
- ↑ خزینۃ الاصفیاء جلد سوم، غلام سرور لاہوری،صفحہ 225،مکتبہ نبویہ لاہور