روس

روس
Russian Federation
Российская Федерация

چنڈا	نشان
راجگڑھ:	ماسکو
تھاں:	17,075,400 مربع کلومیٹر
لوک گنتی:	142,905,200
کرنسی:	روبل
بولی:	رشین

وکیمیڈیا کامنز چ مورتاں: روس

روس اتلے یوریشیا دا اک دیس اے۔ اے اک لوک راج اے جتھے صدر کول وی اختیارات ہیگے نیں۔ روس چ 83 دے نیڑے صوبے یا نکے دیس نیں۔ روس دے لاگے ناروے فنلینڈ لیٹویا لیتھوینیا ایسٹونیا بیلرس یوکرین ترکی جارجیا آرمینیا آزربائیجان قازقستان منگولیا چین تے اتلا کوریا ہیگے نیں۔ روس تھاں نال دنیا دا سب توں وڈا دیس اے تے اینے دنیا دی سکی تاں دے اٹھویں ٹوٹے نوں کعیریا ہویا اے۔ تے اوک گنتی دے سعاب نال اے دنیا دا نوواں وڈا دیس اے۔

[لکھو] تریخ

نوین انسان دیان سب توں پرانیاں کوئی 35000 ورے پرانیاں ہدیاں روس چوں دریاۓ دون دیاں کنڈیان تون لبیاں نیں۔ تریخ توں پہلے ویلیاں چ روس دے کھلے میدان پاوندیاں دے رہن دے تھاں سن۔ اجکل دے روسیاں دے پرکھ سلاوی قبیلے سن۔ روس دا روپ ناں دوجی توں پنجویں صدی دے وشکار بننا ٹریا۔ روسیاں دا پہلا گڑھ کیف سی۔اوستوں مگروں ماسکو روس دا گڑھ بن گیا تے ماسکو دے آلے دوالے روسی سلطنت پھیلن لگ گئی۔ 1237-40 چ روس تے منکولان نے ہلہ بول دتاتے اکلیان تن صدیاں تک روس تے راج کردے رۓ۔ اینان دے راج نون سنہری لشکر وی اکھیا جاندا اے۔ 14ویں صدی چ ماسکو دے رجواڑےنیں ہولی ہولی ودیا۔ طاعون یورپ دے دوجے دیسان وانکوں ایتھے وی آیا پر کافی بچت ہوگی جنی تباہی یورپ دیاں دوجیان دیسان چ ہوئی ایتھے نان ہوئی۔ 1380 ج ماسکو نے دوجے سنگیاں نال رل کے منکول تاتاویاں نوں ہرایا تے ہولی ہولی آلے دوالے دے راجاں تے مل مارلیا تے اینج روش نوں اک کردا گیا۔ آئیوان نے منگولاں دا اٹر مکایا تے جدون ترکاں نے قسطنطنیہ تے مل ماریا تے اونے اوتھے دی آحری بادشاہ دی پتیجی نال ویاہ کرلیا تے دو سراں والے باز نون روس دا نشان بنا دتا۔ آئیوان نے تن تاتاری دیساں تے مل ماریا تے اینج روس نوں دگنا کردتا۔ اودیاں ولکناں چ ایشیاء دے دیس وی سن۔ روسیان دے نال اودے ج تاتاری تے دوجے نسلی گرو وی رل گۓ سن۔

1613 ج رومانوف ٹبر روس تے راج کرن لگ گیا۔ چڑھدے پاسے ول روسی راج وادا چلدا ریا۔ پیٹر دے ویلے روس اک سلطنت ج پلٹ گیا۔ پیٹر نے روس دا جوڑ لیندے یورپ نال جوڑیا۔ بالٹک دے کنڈے دے تھاں تے مل ماریا تے اوتھے اپنے نویں راج گرھ دی نیو رکھی۔ ایدا نان سی سینٹ پیٹرز برگ۔ اینون یورپ ول کھڑکی وی آکھیا جاندا اے۔ پیٹر دی تعی الزبتھ نے چڑھدے پرشیا دے نال برلن تک مل مار لیا۔ کیتھرین نے پرؤیا نال ضلح کرلی۔ کیتھرین نے لتھوینیا پولیند دے کج پاسیاں بسریبیا اے کوہ کاف دے کئی راجاں تے وی مل مارلیا۔ کمزور سویڈن فنلیند نون روس کولوں نان بچا سکیا۔ امریکہ ج روس الاسکا تون ہوندہ ہویا کیلیفورنیا تک اپر گیا۔1820 چ اک روسی مہم جو پارٹی نے انٹارکٹکا لبیا۔

1812 ج فرانس نے نیپولین دی سرداری چ روس تے ہلہ بولیا فرانس دیان فوجان ماسکو تک اپڑ گیاں۔ پر راس نے ڈاڈی روک دسن دے مکرون نیپولین نون ہرا؛ا تے اونوں ہار کے پچھے جانا پیا۔ روسی فوج نے نپولین دی 955 فوج مکادتی۔ روسی فوج پیرس تک اپڑ کئی۔ ویانا کانکرس چ روس دے زار نے یورپ دے نقشے ج اپنے رنک پعرے۔ انقلاب فرانس نے روس تے وی اپنے رنک چاڑے روس وچ اصلاحات لیاں گیاں۔ صنعتی انقلب روس وچ وی ٹریا تے انج روسی فوج وی تکڑی ہوئی جینے سلطنت عٹمانیہ کولوں بلغاریہ کھولیا۔

1914 ج جدون اسٹریا ہنکری نے روس دے سنگی سربیا تے ہلہ بولیا تے روس نے وی آسٹریا نال لرائی چھیڑدتی۔ 1917 دے روسی انقلاب نے روس نون لرائی تون وکھرا کردتا۔ اے انقلاب لینن لے کے آیا۔ روس سویت یونین چ پلٹ گیا۔ روس دے کئی تھان ایدے ہتھون کھنج کۓ جنان ج لیندے یورپ دے کئی دیس اونون اسٹریا تے جرمنی نون دینے پۓ۔ لکھاں دے نیرے لوک کھر دی لڑائی ج مارے کۓ۔ 1922 نون سویت یونین دے بنن دی دس دتی کئی۔