خلیج فارس

26°N 52°E / 26°N 52°E
نقشہ

منطقہ

حصہ

بحر ہند ، بحیرہ اریترا

ساحلی دیس

ایران ، عراق ، کویت ، بحرین ، قطر ، سعودی عرب ، متحدہ عرب امارات ، عمان

خصوصیات

گہرائی

90 میٹر

رقبہ

251000 مربع کلومیٹر

خلیج فارس مغربی ایشیا وچ ایران تے دے وچکار واقع اے ۔ ایہہ تجارتی نقطہ نگاہ نال دنیا دے اہم ترین آبی تجارتی علاقیاں چ شمار ہندی اے ۔ ایہہ ایران ، عراق ، کویت تے دوجے عرب علاقیاں نوں اِنڈک ساگر نال ملاوندی اے ۔

خلیج فارس 1980ء توں 1988ء رہن والی ایران عراق جنگ وچ اودوں دنیا دی توجہ دا مرکز بنی جدوں دوناں ملکاں نے اک دوجے دیاں تیل دیاں تنصیبات تے حملے کیتے ۔ 1991ء چ جنگ خلیج فارس دے موقع تے خلیج فارس اک واری فیر جنگ دی زد چ آئی جدوں امریکا نے کویت توں عراق دا قبضہ ختم کرن لئی اس تے اتحادیاں دی مدد نال حملا کردتا ۔

خلیج فارس مچھیاں ، شعب البحر تے موتیاں دی دولت نال مالامال اے پر گزشتہ 3 دہائیاں چ جنگ دے دوران تیل دے رساؤ دی وجہ توں آبی حیات نوں شدید خطرات لاحق نیں ۔

جغرافیا

دو لکھ 33 ہزار مربع کلومیٹر دی خلیج فارس پانی گلی ہرمز راہیں خلیج عمان نال جڑی ہوئی اے ۔989 کلومیٹر طویل ایہہ خلیج فارس ایران نوں سعودی عرب توں جدا کردی اے تے دوواں ملکاں دے درمیان گھٹ توں گھٹ فاصلا پانی گلی ہرمز تے 56 کلومیٹر اے ۔ خلیج چ پاݨی زیادا ڈونگھا نئیں تے زیادہ توں زیادہ گہرائی 90 میٹر اے تے اوسط گہرائی 50 میٹر اے ۔

خلیج فارس دے ساحلاں تے موجود مُلکاں وچ ایران ، سعودی عرب ، کویت ، عراق ، بحرین ، ،قطر ، عرب امارات ، تے اومان نیں ۔

تیل تے گیس

خلیج فارس تے اسدے ساحلی علاقے دنیا چ تیل دا سب توں وڈازریعہ نیں اس لئی تیل نال متعلقہ صنعتاں ای خطے چ سب توں زیادہ نیں ۔ سمندر چ دنیا دا سبھ توں وڈا آئل فیلڈ السفانیہ وی خلیج عربی چ واقع اے ۔ استوں علاوہ قطر تے ایران وچ گیس دے وڈے ذخیرے وی دریافت ہوئے نیں ۔ اس گیس دی بدولت ای قطر نے بڑی وڈی تعداد وچ مائع قدرتی گیس ایل پی جی تے پیٹرو کیمیکل صنعتاں قائم کیتیاں نیں ۔

ہور دیکھو