خلیج فارس

Wikipedia توں
جاؤ: پاندھ, کھوج
PersianGulf vue satellite du golfe persique.jpg

خلیج فارس مغربی ایشیاء چ ایران تے دے وچکار واقع اے ۔ ایہہ تجارتی نقطہ نگاہ نال دنیا دے اہم ترین آبی تجارتی علاقیاں چ شمار ہندی اے ۔ ایہہ ایران ، عراق ، کویت تے دوجے عرب علاقیاں نوں بحر ہند نال ملاندی اے ۔

خلیج فارس 1980ء توں 1988ء رہن والی ایران عراق جنگ چ اودوں دنیا دی توجہ دا مرکز بنی جدوں دوناں ملکاں نے اک دوجے دیاں تیل دیاں تنصیبات تے حملے کیتے ۔ 1991ء چ جنگ خلیج دے موقع تے خلیج فارس اک واری فیر جنگ دی زد چ آئی جدوں امریکہ نے کویت توں عراق دا قبضہ ختم کرن لئی اس تے اتحادیاں دی مدد نال حملہ کردتا ۔

خلیج فارس مچھیاں ، شعب البحر تے موتیاں دی دولت نال مالامال اے پر گزشتہ 3 دہائیاں چ جنگ دے دوران تیل دے رساؤ دی وجہ توں آبی حیات نوں شدید خطرات لاحق نیں ۔


جغرافیہ[لکھو]

دو لکھ 33 ہزار مربع کلومیٹر دی خلیج فارس آبنائے ہرمز راہیں خلیج اومان نال جڑی ہوئی اے ۔989 کلومیٹر طویل ایہہ خلیج ایران نوں سعودی عرب توں جدا کردی اے تے دوہاں ملکاں دے درمیان گھٹ توں گھٹ فاصلہ آبناۓ ہرمز تے 56 کلومیٹر اے ۔ خلیج چ پانی زیادہ ڈوہنگا نئیں تے زیادہ توں زیادہ گہرائی 90 میٹر اے تے اوسط گہرائی 50 میٹر اے ۔

خلیج فارس دے ساحلاں تے قا‏ئم ملککاں چ ایران ، سعودی عرب ، کویت ،عراق ، بحرین، ،قطر ، عرب امارات ، تے اومان نیں ۔ اس توں علاوہ خلیج فارس چ کئی چھوٹے چھوٹے جزیرے وی نیں۔

تیل تے گیس[لکھو]

خلیج فارس تے اسدے ساحلی علاقے دنیا چ تیل دا سب توں وڈازریعہ نیں اس لئی تیل نال متعلقہ صنعتاں ای خطے چ سب توں زیادہ نیں ۔ سمندر چ دنیا دا سب توں وڈا آئل فیلڈ السفانیہ وی خلیج فارس چ واقع اے ۔ استوں علاوہ قطر تے ایران چ گیس دے وڈے ذخیرے وی دریافت ہوئے نیں ۔ اس گیس دی بدولت ای قطر نے بڑی وڈی تعداد چ مائع قدرتی گیس ایل پی جی تے پیٹرو کیمیکل صنعتاں قائم کیتیاں نیں۔