سچا مسیح گرجا
سچا مسیح گرجا اک آذاد مسیحی گرجہ اے جسدی بنیاد 1917 وچ چین وچ رکھی گئی۔ اج دنیا دے چالھی دیساں وچ اسدے تقریبا 15 لکھ ارکان موجود نے۔ اے گرجہ، مسیحیت دے پروٹیسٹینٹ فرقے نال تعلق رکھدا ہے۔ اس گرجے وچ کرسمس تے ایسٹر دے تہوار نہیں مناۓ جاندے۔
دس بنیادی اصول[سودھو]
- مقدس روح
مقدس روح نوں پانا، جیدی شہادت منہ نال کین نال ہووے، اوہی ساڈے آستے جنت دی چنگی خبر اے۔ - بیپتسما
: پانی توں بپتسمہ گناواں توں چھٹکارہ پان آستے تے روحانی بحالی دا اک طریقہ اے۔۔ بپتسمہ تازہ پانی نال کیتا جاسکدا اے۔ بیپتسمہ کرن آلا عیسی دا ناں لے کے اس طرح بیپتسمہ کردا اے کہ اودا پورا جسم پانی چ ڈب جاۓ تے اوہ سرینچ دی طرفف چکیا ہوۓ۔۔ - پیر دھونا
پیر دھون دی رسم نال بندے نوں یسوع مسیح نال ملن جڑن دا موقعہ ملدا اے۔ اے کم بندے نوں ہر ویلے پیار، پاکیزگی، منکسرمزاجی ،ہربندے جیدے پیر دھوتے جان اوہ وی یسوع مسیح دے ناں دوجیاں دے پیر دھوئے۔ جدوں وی موقعہ لبے اک دوجے دے پیر دھون دی رسم کرنی چائیدی اے۔ دوجیاں نوں معاف کرن تے خدمت کرن دی یاد کراندی اے۔ - ہولی کمیونن
مقدس مذہبی رسمں عیسی دی قربانی نوں یاد رکھن دا ذریعہ نیں۔ اے سانوں اس قابل کردی اے کہ اسی اپنے مالک دی قربانیاں چ شامل ہوسکیں تے اس نال مل سکن تاکہ سانوں وی اک نہ مکن آلا جیون مل سکے تے اسی قیامت دے دن کامیاب ہو سکن۔ عبادتاں جنیاں بوتیاں ہو سکن کرنیاں چائیدیاں نیں۔ سانوں صرف خمیری روٹی، عرق انگوری دا استعمال کرنا چائیدا اے۔ - سبتھ دا دن
ہفتے دا ستواں دن اتوار اک مقدس دن اے، جس چ خدا دی رحمت شامل اے۔ اس دن خدا دی تخلیق نوں مجلساں چ نجات تے آن آلا جیون چ پکا سکون دے لئی عبادت کرنی چائیدی اے۔ - یسوح مسیح
"یسوع مسیح پاپیاں نوں گناہواں توں بچان لئی صلیب تے چڑھیا تیسرے دن دوبارہ جی پیا تے اسمانان تے چلا گیا۔ انساناں نوں بچان والا اوہو ای اے۔ زمین تے اسمان نوں بنان والا اوہی اے تے اوہو ای سچا خدا اے" - بائبل
بائیبل جیہڑی نویں تے پرانے عہدنامے نال رل کے بنی اے خدا توں متاثر ہوکے لکھی گئی اے۔ ایہو ای لکھیا سچ اے تے جیوندے سعائیاں لئی اک ناپ اے۔ - سالویشن
معافی خدا دی رحمت نال اودے تے ایمان رکھن نال لبدی اے۔ ایمان رکھن والیاں نوں پاک روح تے ایمان پاکیزگی دی تلاش لئی، خدا تے ایمان تے انسانیت نال پیار رکھنا چائیدا اے۔ - گرجا
اوہ گرچا جینوں یسوع مسیح نے بنایا پاک روح ولوں مکرون آن والی بارش ویلے اے اپوسٹلاں دے ویلے دا سچا تے دوبارہ چلایا گیا کرجا اے۔ - دوجی بار آنا
یسوع مسیخ دنیا تے دوجی واری آخرت دے دن اسمان توں عدل کرن لئی آۓ گا نیک لوکاں نوں ہمیشہ دا جیون لبے گا تے گناہگار ہمیلہ لئی عزاب ج پاۓ جان گے۔
ہور گلاں[سودھو]
اس گرجے دے پیروکار کرسمس نئیں مناندے کیوں جے پنجی دسمبر اصل وچ سورج دا پیدا ہونے دے دن دے طور تے کافر لوک مناندے سن۔ اس نوں کرسچن تہوار دے طور تے چوتھی صدی چ رومن شہنشاہ کونسٹنٹین نے شروع کیتا۔