شالامار باغ
شالامار باغ (اردو:شالیمار باغ) نوں مغل بادشاہ شاہجہان نے تعمیر کرایا سی۔ شالامار باغ لہور دی بڑی مشہور تریخی تھاں اے- اے مغلاں دی یادگار تے بّرِصغیر چ مسلماناں دی شاندار حکومت دا ورثہ اے۔
حصے |
[لکھو] تعمیر
ایدی تعمیر 1641 عیسوی (1051 ھجری) وچ شروع ھوئ۔ تے کئ وریاں تکر مُکی۔ اے مستطیل دی شکل دا باغ اے جیدے آلے دوآلے بڑی وڈی کَند کیتی گئ اے۔ ایدا کھلار 658 میٹر جنوب توں شمال تے 258 میٹر مشرق توں مغرب تِکر اے۔
[لکھو] چبوُترے
شالامار باغ دی تھاں جنوب توں شمال ول تین چبوتریاں نال رل کے بندی اے۔ اے چبوترے اک دوجے توں 4 -5 میٹر (13-15 فٹ) دے فاصلے تے ھیگے نیں۔ ایناں دے اردو بولی چ ناں اے ھیگے نیں۔
- اتلا چبوترہ فرح بخش (خوشی دین آلا)
- وچکارلہ چبوترہ فیض بخش (اچھائی دیں آلا)
- تھلڑا چبوترہ حیات بخش (حیاتی دین آلا)
[لکھو] فوارے
باغ چ کل ملا کے 410 فوارے ھیگے نیں جیہڑے باغ چ وگن آلی نہر توں نکلدے نیں تے چوڑے تالاب چ ڈگدے نیں۔ لہور چ سخت گرمی دے ولے اے فوارے باغ دی سیر لئی آن آلے لوکاں نوں ٹھنڈک تے سکون دیندے نیں۔
[لکھو] باغ دیاں عمارتاں
شالامار باغ چنگے وڈے رقبے تے پھیلیا ھوئیا اے۔ ایس باغ دی عمارتاں وچ اے شامل نیں۔
- ساون پادوں میدان
- نکار خانہ دی عمارت
- خواب گاہاں
- شاہی حمام
- ایوان وڈا ھال
- آرام گاہ
- بیگم صاحب دی خواب گاہ
- بارہ دری
- دیوان خاص و عام
- دو داخلی دروازے تے مینار
[لکھو] باغ دے رُکھ
باغ چ وکھو وکھ نسلاں دے بوٹے تے رکھ لائے گئے نیں۔ اے تھلے دتے گئے نیں۔
- بادام
- سیب
- خوبانی
- چیری
- امب
- پاپلر
- آلوبخارہ
- آڑو
[لکھو] بارلے جوڑ
لہور: ویکھن والیاں تھانواںبادشاہی مسجد · شاہی قلعہ · شالامار باغ · مقبرہ جہانگیر · رنجیت سنگھ دی سمادھی · مینار پاکستان · چوبرجی · حضوری باغ · لعور میوزیم · باغ جناح · موتی مسجد · چڑیا کعر
