فٹ بال

Wikipedia توں
جاؤ: پاندھ, کھوج
Football iu 1996.jpg

فٹ بال دو ٹولیاں یا ٹیماں دے وشکار کھیڈی جان والی اک کھیڈ اے ہر ٹیم چ گیارہ کھڈاری ہوندے نیں تے دونویں ٹیماں اک گول فٹبال نال کھیڈ دیاں نیں۔ فٹ بال دنیا دا سب توں بعوتا چاہیا جان والا کھیڈ اے۔

ایہ کھیڈ مستطیل مورت دی بنائی گئے گراونڈ چ کھیڈیا جاندا اے۔جیدے دوناں کنڈیاں تے وشکار کر کے گول بنے ہوندے نیں تے کھیڈ ایہ اے جے فٹا بال نوں دوجی ٹیم دے گول وچ سٹنا۔ ایس کھیڈ چ صرف گولچی گیند نوں ہتھ نال تے پیر نال پھڑ سکدا اے باقی ہر کھلاڑی پیر ای ورت سکدا اے تے ہوا وچ سر تے پنڈے نال وی گیند نوں روکیا جاسکدا اے۔ جیڑی ٹیم بعوتے گول کردی اے اوہ جت جاندی اے۔ ویلہ مکن تے اگر دوناں ٹیماں نیں کوئی گول ناں کیتا ہوۓ یا برابر گول کیتے ہون تے کھیڈ برابر ریندی اے یا ہور ویلہ دے کے میچ دا کوئی نتارا کرایا جاندا اے۔

فٹ بال دی کھیڈ دے قنون 1863 چ انگلینڈ چ بناۓ گۓ تے اجکل انٹرنیشنل فیڈریشن آف ایسوسی ایشن فٹبال جیدا نکا ناں فیفا اے دنیا تے فٹ بال نوں چلا رئی اے۔ فیفا ورلڈ کپ دنیا چ فٹبال داسب توں وڈا ٹورنا منٹ اے۔ جینوں اولمپک کھیڈاں توں دونے لوک ویکھدے نیں۔