لوئی پاسچر

لوئی پاسچر
فرانسیسی سائنسدان
جیون:	27 دسمبر 1822 ڈولے، جورا، فرانس
مرن:	28 ستمبر 1895 (72 وریاں دا)، فرانس
کم :	جراسیماں بارے دسیا
گن:
دسخط:

لوئی پاسچر اک فرانسیسی کیمیاگر تے مائکروبیالوجسٹ سی جینے بیماریاں دے ہونے تے اودے بچاؤ بارے دسیا۔ اودی کھوج نے بالاں دے تاپ توں مرن نون کعٹا دتا تے اونے کتے دے وڈن دی ویکسین وی بنائی۔ اسنے اس گل کرکے دسی جے روگ یا بماری جراسیم نال لگدی اے۔ اوس نے ایہوجیا گر لبیا جیدے نال شراب تے دد نوں خراب ہون توں بچایا جاسکدا اے۔ ایس گر نوں پاسچرائزیشن کیندے نیں تے اینوں عام لوک ورتدے نیں۔ فرڈیننڈ کوہن تے رابرٹ کوخ نال پاسچر تیجا بندا اے جینوں مائکروبیالوجی دا ٹورن والا سمجیا جاندا اے۔ پاسچر نے ایوی کرکے دسیا جے جاندار صرف جاندارون توں ای جمدے نیں۔ پاسچر دے کماں نے دوجیاں سائنسداناں لئی وی نویاں راہواں کھولیاں تے روگاں دی وجہ لبناں اسان ہوگیا۔ سائنسدان ہون دے نال نال پاسچر اک وڈا دیس پریمی وی سی۔

مڈلا جیون

پاسچر 27 دسمبر 1822 نوں فرانس دے جورا صوبے دی اک تھاں ڈولے چ اک غریب چمڑا رنگن والے دے کعر جمیا۔ اودا پیو نیپولین دی فوج وچ رہ چکیا سی۔ لوئی اربوئیس چ وڈا ہویا۔ 1848 شٹراسبرگ یونیورسٹی چ پاسچر پروفیسر لگ گیا۔ 1849 ج یونیورسٹی ریکٹر دی تعی نال اودا ویاہ ہویا۔ اونان دے 5 جواک ہوۓ جناں چوں 3 ٹائیفائیڈ نال مرگۓ۔ ایسے لئی اونے ٹائیفائیڈ ورگے روگاں دے دوا دارو بارے سوچیا۔

جراسیم تھیوری

پاسچر نے کرکے اے دسیا جے جاندار چیزاں جاندار چیزان چوں ای جمدیاں نیں۔ بےجان چیز توں کوئی چیز پیدا نیں ہوندی۔ اونے شیشے دیاں لمی تعون تے وڈے ٹڈ والیاں بوتلاں لیاں تے اناں ج پانی پایا کجاں دا منہ پکا بند کردتا تے کج کھلیاں ریاں۔ کج چر مگروں جیڑیاں بوتلاں دے منہ کھلے سن اونان چ نکے نکے جانور جم چکے سن تے جيڑیان بوتلاں دے منہ بند سن اونان وچ کوئی جانور ناں جمیا۔ پاسچر نے کیا جے ہوا چ اڈدے ہوے نکے نکے جانور کھلے منہ والیاں بوتلاں دے اندر ٹر گۓ۔ تے اوناں نے اپنی کنتی ودا لئی۔ پاسچر نے ایے تون اے وی سوچ لیا جے روگ جراسیماں نال لگدے نیں۔ تے جراسیم نکے نکے جاندار ہوندے نیں۔ پاسچر پہلا بندہ نین جینے اے گل آکھی پر اونے اپنے گل نوں بڑے سلیقے نال لوکاں اگے رکھیا۔ رابرٹ کوخ نے وی ایہو ای گل کئی سی۔

پاسچر نے اپنے کماں تون اے وی نتارا کڈ لیا اے جے بیر شراب تے دد نوں جراسیم خراب کردے نیں۔ اونے اے وی کرکے دسیا جے اگر دد نوں ابال لیا جاوے تے ایدے اندر جراسیم مر جاندے نین تے دد نوں فیر سانبیا جاسکدا اے۔ دد نون ایس ول نال بچان نوں اودے نان تے پاسچرائزیشن کیا جاندا اے۔

جیکر جراسیم پانی سار چیزاں دے اندر جاکے اوناں نوں خراب کرسکدے نیں تے پاسچر نے اے گل آکھی جے اے جراسیم کسے بندے دےے اندر جاکے اونوں وی روگی کرسکدے نیں۔ اونے فیر نکے جانداراں/جراسیماں نوں بندے دے پنڈے دے اندر چان توں روکن دی صلاع دتی۔ پاسچر دی ایس گل نوں اگے ٹوردیاں ہویاں جوزف لسٹر نے سرجری چ انٹیسیپٹک راہ دا مڈ رکھیا۔

1885 چ فرانس دے ریشم دیاں کیڑیاں نوں روگ لگن نال ریشم دے کیڑے پالن والیان تے تے ریشم نال کپڑے بنان والیاں تے پعیڑا ویلہ آگیا۔ پاسچر اک کیمسٹ سی اونے بیالوجی نیئں پڑھی سی پر فرانس دی سرکار دے کہن تے نالے فرانس دے زمینداراں دے ماڑے حالاں نوں ویخدیاں ہویاں پاسچر ایس کم ج پے گیا تے اونے لوکاں نوں دسیا جے کنج اپنے ریشم دے کیڑیان نوں بچانا اے۔

ٹیکیاں نال بچاؤ

پاسچر چکن کالرا تے کم کرریا سی۔ کم کردیاں ہویاں روگی بنان والے بیکٹیریا دی اک پلیٹ ٹھیک ناں رئی تے اودے نال جیہڑے ککڑان نوں روگی کرن لئی بیکٹیریا دتے گۓ اونان چوں کج ککڑ روگی ناں ہوۓ۔ پاسچر نے جدوں ایناں ککڑاں نوں نويں تے تکڑے بیکٹیریا کھواۓ پر اے ککڑ روگی نان ہوۓ۔ ماڑے بیکٹیریا نے اوناں ککڑاں نوں روگاں توں بچالیا اوناں چ روگ دیاں ہلکیاں پھلیکاں نشانیاں ای دسیاں۔ پاسچر کیمسٹری دا بندا ہندا ہویا وی بیالوجی دے ایس کم ج پیا گیا کیون جے اونوں فرانس نال پیار سی۔

فرانس نال پیار

پاسچر نوں اپنے دیس نال بہت پیار سی تے اے اونوں دیس نال پیار دا جزبہ کج اپنے پیو توں وی ملیا سی۔ اودا پیو نیپولین دی فوج چ اک سپاہی سی۔ اونوں فالج سی پر جدوں فرانس دے حلات خراب ہوۓ تے اودے کول جنے پیسے سن اوہ اونے سرکار نوں دیدتے۔ اوہ فالج توں لڑائی ۂغي فٹ نین سی ایس لئی اونون واپس کردتا گیا۔ 1870 نون جدوں اوہ جرمنی توں بون یونیورسٹی توں پی ایچ ڈی کرکے واپس فرانس پلٹ ریا سی تے اونوں پتہ چلیا جے فرانس تے جرمنی اک دوجے نال رائی تے نیں۔ فالج ہون دی بنا تے اوہ لڑ نیں سکدا سی۔ فرانس نوں جرمنی نال جدوں ہار ہوندی اے لڑائی چ اونوں بہت تکلیف ہوئی فرانس نوں اپنے دو صوبے تے اک ارب دالر جرمنی نوں دینے پۓ

پاسچر نے سوچیا جیہڑی لرائی اوہ اپنے پنڈے نال نین لڑ سکدا امہ اپنے دماغ نال لڑے گا۔ اونے جرمنی نوں تجارت چ ہران لئی جرمنی تول ودیا بیر بنائی تے فیر ایدے بنان دا نسخہ فرانس دے سنکی دیساں نوں دسیا۔

فرانس دا اک تھان ریلم دے کیڑے تے ریشم دے کارخانیاں لئی جانیاں جاندا سی۔ ریشم دے کیڑیاں نون روگ لگ گیا تے اوہ مرن لک گے کسے نوں سمج نین ار‎ی سی جے اے کنج ہوریا اے۔ ریشم دے کیڑیان دا اے روگ یورپ دے دوجے دیساں ج پھیل گیا۔ فرانس دے پنڈاں دےلوک جناں دا گوارا ریشم رے کیڑے دے پالن تے سی اوہ مسلے چ سن۔ فرانس دی سرکار نے ّاسچر نوں کیا جے اوہ ایس مسلے بارے کج کرے۔