لکشادیپ

آزاد انسائیکلوپیڈیا، وکیپیڈیا توں
لکشادیپ
Lakshadweep

ലക്ഷദ്വീപ്
Laccadives
مرکز ہیٹھ علاقہ
کورتی دا اک بیچ
کورتی دا اک بیچ
India location map 3.png
دیس بھارت
علاقہدکھن ہندستان
قیام10 نومبر 1956
راجگڑھکورتی
حکومت
 • پربندھکراجیش پرساد
رقبہ
 • کل۳۲ مربع کلومیٹر (۱۲ مربع میل)
رقبہ درجہ7
آبادی (2011 مردم شماری)
 • کل۶۴,۴۲۹
 • کثافت۲,۰۰۰/مربع  کلومیٹر (۵,۲۰۰/مربع میل)
بولیاں
 • سرکاریملیالم, انگریزی[۱]
ماحل(دیویہی) جزیرہ منیکوئی اتے بولی جاندی اے.
نسلی ونڈ
 • نسلی ٹولیاں≈84.33% مالایالی
≈15.67% ماحل
منطقۂ وقتہندستان معیاری ویلہIST (UTC+5:30)
آیزو 3166 رمزIN-LD
ضلعےآں دی تعداد1
وڈا شہرانڈروٹ
انسانی ترقیاتی اشاریہ
0.796
HDI سال2005
HDI گٹھاچی
ویب سائٹwww.lakshadweep.gov.in

لکادیپ یاں لکشادیپ عرب سمندر چ کئی جزیریاں دا اکٹھ اے جنہاں دا کل تھاں 32 مربع کلومیٹر اے۔ ایہہ جزیرے ہندستان دے صوبے کیرالا دے کنڈے توں 200 توں 300 کلومیٹر دور نیں۔ لکشادیپ دی کل لوک گنتی 60595 اے تے اسدا راجگڑھ کورتی اے۔

عرب پاندھی ابن بطوطہ نےاپنیاں پاندھ لکھتاں چ لکشادیپ جزیریاں بارے لکھیا اے۔ 1787ء چ اینہاں جزیریاں تے ٹیپو سلطان دا راج سی تے میسور دی تیجی لڑائی چ ایہہ برطانیہ دے ہتھاں چ چلے گئے۔

لوک[سودھو]

2011ء دی مردم شماری موجب لکشادیپ دی لوک گنتی 64،429 اے ۔اینج ایہہ ہندستان دے 640 ضلعےآں چ 627ویں نمبر اتے اے ۔لکشادیپ جزیرےآں دی لوک سنگھنائی 2013 لوک فی مربع کلومیٹر اے ۔ 2011 توں 2011 ھے دہاکے چ اسدی لوک گنتی چ وادھے دا ریٹ 6.23% سی ۔لکشادیپ چ 946 تینویاں مقابلے 1000 بندے نیں تے ایتھے دی خواندگی دی شرح 92.28% ۔

لکشادیپ دے بوہتے لوک بھارت دے دکھنی لہندے مالابار ساحل توں آئے لوکاں دی نسل نیں ، نسلی طور تے ایہہ لوک کیرالہ دے مالایالی لوکاں نال ملدے نیں ۔ مقامی لوکاں دی 93% آبادی مسلمان اے تے سنی شافعی مسلک نال تعلق رکھدی اے ۔ سبتوں دکھنی تے دوجا وڈا جزیرہ منیکوئی ماحل لوکاں دی آبادی دا جزیرہ اے جہڑے مالدیپ نال تعلق رکھدے نیں ۔

مذہب[سودھو]

لکشادیپ چ مذہب [۲]
مذہب فیصد
اسلام
  
93%
ہندومت
  
4%
دوجے
  
3%

لکشادیپ دی بوہتی ـادی مسلمان اے ، تے عبیداللہ ناں دے اک ولی نے اینہاں لوکاں چ اسلام دی تبلیغ کیتی ۔ لکشادیپ چ بوہت سارے تہوار منائے جاندے نیں جہڑے ایتھے دے لوکاں دے جیون اتے اسلام دی گوڑی چھاپ دسدے نیں ۔ نکی عید ، وڈی عید ، محرم تے عید میلاد النبی اوہ وڈے موقعے نیں جدوں لکشادیپ دے لوک مسیتاں چ اکٹھے ہندے نیں تے ایہہ تہوار مناندے نیں ۔

لکشادیپ دے لوکاں دیاں کئی دوجیاں جدیاں مذہبی رسماں تے تہوار وی نیں ، جداں مولود جس چ جزیرے دے لوک اللہ دی عبادت کردے نیں تے ٹولیاں چ رل کے کھاندے نیں ۔اک ہور جدی رسم رتھیب دا میلہ لکشادیپ دے کورتی علاقے چ شروع ہویا ، جس چ شیخ قاسم دے مزار اتے میلہ لگدا اے ۔ لکشادیپ دے بوہتے لوک اسلام دے سنی شافعی مسلک دے منن آلے نیں ۔

بولیاں[سودھو]

لکشادیپ دیاں وڈیاں بولیاں چ ملیالم ، جسیری (دیپ بولی) تے ماحل (مالدیپی بولی) نیں ۔ اتلے جزیرےآں دے سارے لوک ملیالم بولی دا اک لہجہ جس اتے عربی تے تامل بولیاں دا اثر اے ، جہڑا اینہاں لوکاں نال تجارتی رابطےآں پاروں اے ، بولدے نیں ۔ سبتوں دکھنی جزیرہ منیکوئی دے لوک ماحل بولی بولدے نیں جہڑی مالدیپ دی بولی دیویہی دی اک شکل اے ۔

برطانوی راج ویلے لکشادیپ دی سرکاری بولی دے طور اتے ملیالم ملیالم لپی چ رواج ج لیاندی گئی ، پہلے عربی لپی دی اک قسم عربی ملیالم لپی بولی لکھن لئی ورتی جاندی سی ۔ ایہہ پالیسی ہندستانی حکومت نے وی جاری رکھی ۔ ملیالم ، ماحل اکثریتی جزیرہ منیکوئی سمیت لکشادیپ دے جزیرےآں وچکار لنک بولی دے طور اتے ورتی جاندی اے ۔

حوالے[سودھو]

  1. The Muslim tribes of Lakshadweep Islands By Makhan Jha
  2. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).

باہرلے جوڑ[سودھو]