مسلم بن الحجاج

Wikipedia توں
جاؤ: پاندھ, کھوج
مسلم بن الحجاج
202 یاں 204ھ توں 261ھ
224ء توں 651ء تک
پورا ناں
مسلم ابن الحجاج
جم 202ھ یاں 206ھ/821ء
موت 261ھ /875ء
ویلا
قرون وسطی
تعلق علاقہ نیشا پور ایران
مکتبہ فکر شافعی
کم
حدیث لکھاری
مرتب کردہ صحیح مسلم

مسلم بن الحجاج حدیثاں دی کتاب صحیح مسلم دے لکھاری سن۔ علمائے اسلام دا اگرچہ ایہہ فیصلہ اے کہ قرآن مجید دے بعد امام بخاری دی کتاب صحیح بخاری دا مرتبہ اے تے فیر اسدے بعد صحیح مسلم دا ۔ اس نال امام مسلم دی عظمت دا اندازہ ہو جاندا اے ۔ پر کجھ علماء دا ایہہ وی خیال اے کہ صحیح مسلم دا درجہ جے صحیح بخاری توں اچا نئیں تے اسدے برابر ضرور اے ۔ کیونجے صحیح مسلم دیاں حدیثاں وی کافی تحقیق دے بعد جمع کیتیاں گئیاں نیں ، تے بعض اعتباراں نال امام مسلم دا درجہ امام بخاری نالوں ودھ اے ۔

جیون[لکھو]

امام مسلم دا پورا ناں ابوالحسن مسلم بن الحجاج بن مسلم القشیری بن دردین سی ۔ ابوالحسن اسدی کنیت سی تے عساکرالدین لقب سی ۔ قبیلہ بنوقشیر نال اسدا تعلق سی ، جہڑا عرب دا اک مشہور ٹبر سی ۔ ایران چ خراسان دا مشہور شہر نیشاپور اسدا وطن سی ۔ امام مسلم 203ھ یاں 206ھ چ پیدا ہوئے ، پر بوہتے علماء تے مورخاں دی تحقیق ایہہ وے کہ اوہ 206ھ چ جمے ۔ امام نووی شارح صحیح مسلم لکھدا اے کہ امام مسلم 206ھ چ پیدا ہوئیا ، 55 سال دی عمر پائی تے 24 رجب 261ھ نوں اتوار دے دن شام دے ویلے وفات پائی تے نیشا پور چ دفن ہوئے ۔


تعلیم تے تربیت[لکھو]

امام مسلم نے والدین دی نگرانی چ بہترین تربیت حاصل کیتی تےاس پاکیزہ تربیت دا ای ایہہ اثر سی کہ ابتدائے عمر توں آخری ساہ تک آپ نے پرہیزگاری تے دینداری دا جیون بسر کیتا ۔ کدے وی کسے نوں اپنی زبان توں برا نا آکھئيا ۔ ابتدائی تعلیم نیشاپور توںحاصلکیتی۔