مچھی

آزاد انسائیکلوپیڈیا، وکیپیڈیا توں
مچھی
دیس: جنور
برادری: کورڈیٹ
نکی برادری: کنگریڑے
ٹولی: مچھی
پتی: ؟
ٹبر : -
ونڈاں: 32,000

مچھی پانی دا اک جاندار اے۔ ایدے جسم تے اکثر چانے ہوندے تے عام طور تے ایدا خون ٹھنڈا ہوندا اے۔مچھی سجرے تے سمندری پانی پعاڑ دے اتے جھیلاں وچ تے ڈونگیاں سمندراں چ ہر تھاں تے وسدی اے۔ ایہناں دے انگاں تے انگلیاں انگوٹھے نہیں ہوندے. چوکھیاں مچھیاں ٹھنڈے خون والیاں ہوندیاں نیں۔ پر کج بہت نس دوڑ کرنوالیاں مچھیاں جیویں ٹونا تے چٹی وڈی شارک اپنا گرمی ناپ اچا رکھدیاں نیں۔ 32,000 ونڈاں نال ایہ ریڈھ دی ہڈی والے جانوراں وچ سب توں وڈی ٹولی نیں۔

مجھیاں انساناں دے کھان پین دی اک وڈی کم دی شے نیں۔ بپاری تے ایہدے تے گزارا کرنوالے ایہنوں کھلے پانیوں جوں پھڑدے نیں تے ایہنوں تلاواں وچ تے وڈے جنگلیاں وچ وڈے سمندراں وچ وی پالیا جاندا اے۔ ایہناں نوں کج شقین وی پھڑدے نیں تے پالیا وی جاندا اے۔ رہتل وچ مچھیاں، پوجا لئی نشان لئی تے ہور کماں وج ورتی گئی اے۔

سب توں پرانے جاندرا جیہڑے مچھیاں وج گنے جاسکدے نیں اوہ نرم پنڈے والے کورڈیٹ سن تے کیمبرین ویلے وچ ہوۓ سن۔ مچھیاں پرانا جیون ویلہ وچ ودھیا مورت وچ آیاں تے ایہناں دیاں کغی ونڈاں بنیاں. ایس ویلے دیاں کغی مچھیاں نے اپنے بچاؤ لئی بچاؤ کنداں بنائیاں۔ سیلورین ویلے وچ کئی مچھیاں دے جباڑے نکلدے نیں تے اوہ (جیویں شارک) وڈیاں شکاری مجھیاں بندیاں نیں۔

مچھیاں گلپھڑیاں راہیں فیرینکس دے دوناں پاسیوں گیس لیندیاں کڈدیاں نیں۔ ایہ گلپھڑے دھاگے ورگے فلامنٹ دے بنے ہوندے نیں. ہر فلامنٹ وج جالیاں دا جال بنیا ہوندا اے جیدے نال وڈی اتلی پدھر بندی اے اکسیجن کاربن ڈائیاکسائڈ دے آن جان لئی۔ کئی مچھیاں جیویں شارک تے لیمپرے دی گلپھڑیاں لئی کئی راہ بنے ہوندے نین پر بونی مچھی دا اک ای اک پاسے ہوندا اے۔ مچھیاں دیاں کئی ٹولیاں لمے چر لئی پانی توں باہر رہ سکدیاں نیں۔ دو جیونی مچھیاں وچوں چکڑ مچھی پانی چوں باہر یا تھوڑی آکسیجن والے پانی وچ کئی دن لنگھاہ سکدی اے۔ اینج دیاں مچھیاں کئی ولاں نال سآ لیندیاں نیں۔

ہور ویکھو[سودھو]

٭ اوپاہ

مچھیاں دے ٹبر[سودھو]

بارلے جوڑ[سودھو]