وولگوگراد

آزاد انسائیکلوپیڈیا، وکیپیڈیا توں
وولگوگراد دا نشان
وولگوگراد دا جھنڈا


یورپی روس دے نقشے چ وولگوگراد دا محل وقوع
وولگوگراد دا منظر

روس دا اک شہر جہڑا سویت دوور چ ستالین گراد دے ناں نال مشہور سی ۔ وولگوگراد دریائے وولگا دے لہندے کنڈے تے واقع اے تے روس دے وولگاگراد اوبلاست دا انتظامی مرکز اے ۔ 2002ء دی مردم شماری دے مطابق شہر دی آبادی 10،11،417 اے ۔

وولگوگراد ڈون وولگا نہر دے چڑھدے پاسے واقع اے جہڑی روس دے دو وڈے دریاواں دریائے وولگا تے دریائے ڈون نوں اک دوجے نال ملان لئی 1952ء چ کھولی گئی سی ۔ وولگوگراد سویت یونین دے 13 ہیرو شہراں چوں اک اے ۔


آبادی جغرافیہ[سودھو]

وولگوگراد دریائے وولگا دے لہندے پاسے آباد اے ۔ اسدا رقبہ 565 مربع کلومیٹر تے آبادی 10،11،417 اے ۔ اینچ ایہہ روس دا 12واں وڈا شہر اے ۔

تریخ[سودھو]

سارتسین دا نشان

وولگوگراد شہر دی نیوں 1555ء چ رکھی گئی تے 1589ء توں 1925ء تک اسدا ناں سارتسین رہیا تے 1925ء توں 1961ء تک اسدا ناں جوزف ستالین دے ناں تے ستالین گراد رہیا ۔ صحیح معنےآں چ وولگوگراد دی بنیاد 1589ء چ دریائے سارتسا تے دریائے وولگا دے سنگم تے رکھی گئی جس دا مقصد روسی سلطنت دی غیر محفوظ دکھنی سرحد دی حفاظت سی پر چھیتی ای ایہہ جگہ تجارت دا مرکز بن گئی ۔ ایہہ شہر تے دو وار کاسکاں نے قبضہ کیتا ، پہلی وار ستیپان رازن نے 1670ء دی بغاوت چ تے دوجی وار یمیلیان پگاچوف نے 1774ء ۔ 19ویں صدی عیسوی چ سارتسین اک اہم دریائی بندرگاہ تے تجارتی مرکز بن گیا ۔

روسی خانہ جنگی چ وولگوگراد شدید جنگ دا مرکز رہیا ۔ بالشویک فوجاں نے 1918ء چ اسدے مل مار لیا ، پر سفید فوج نے انتون ایوانووچ دینیکن دے قیادت چ شہر تے حملہ کیتا ۔


سبتوں پہلے شہر دا اصل ناں سارتسین دا ذکر 1579ء چ اک انگریز مہم جو بیری نے کیتا ، اگرچہ اسنے اسنوں شہر دے دور تے نئیں بلکہ دریائے وولگا دے اک جزیرے دے طور تے لکھیا ۔

وولگوگراد دے اصل ناں سارتسین دا ماخذ ایتھے موجود اک تاتاری قصبے سارے سو (پیلا پانی]] یاں سارے سن (پیلا جزیرہ) توں اے ۔ شہر دی بنیاد دی تریخ 2 جولائی 1589ء سمجھی جاندی اے جدوں سارتسین دے قلعے دا پہلی وار شاہی دفتر چ اندراج ہویا ۔

سارتسین توں پہلے ایتھے دریا دے دہانے تے سلطنت طلائی اردو دی ملکہ دی جاگیر سی ۔

1607ء چ قعلے نیں زار روس دیاں فوجاں دے خلاف بغاوت کردتی پر 6 مہینے مگروں ای اس بغاوت نوں کچل دتا گیا ۔ 1608ء چ اس شہر چ پہلا پتھر دا گرجا سینٹ جان بتسمہ آلا قائم ہویا ۔

17ویں صدی عیسوی دے شروع چ گیریژن (قلعے) چ 350 توں 400 بندے سن ۔

1670ء چ اس قلعے تے ستیپان رازن دے دستےآں نے مل مار لیا جسنے ای مہینے مگروں قبضہ چھڈ دتا ۔ 1708ء چ قلعے تے کاسکاں دا قبضہ ہو گیا ۔

1774ء چ یمیلیان پوگاچوف نے شہر تے حملہ کر کے قبضہ کر لیا ۔

وولگوگراد میٹرو دا زیر زمین اک سٹیشن

1691ء چ سارتسین چ کسٹم دا دفتر قائم کیتا گیا ۔ 1708ء چ سارتسین نوں صوبہ قاوان چ شامل کر دتا گیا تے 1719ء چ استرا خان چ ۔ شہر 1779ء چ ساراتوف وائسرائیلٹی چ شامل کر دتا گیا ۔

سارتسین شہر دی آبادی 1720ء چ 408 سی ۔

19ویں صدی چ شہر دی آبادی تیزی نال ودھی : 1807ء چ شہر چ 3000 توں وی گھٹ لوک رہندے سن ۔ 1900ء دے لاگے شہر دی آبادی 84،000 ہو گئی ۔

1862ء چ شہر تک پہلی ریل پٹری بچھائی گئی ۔ شہر چ پہلا تھیٹر 1872ء چ تے پہلا سینما 1907ء چ قائم ہویا ۔ 1913ء چ شہر چ پہلی ٹرام لین بچھائی گئی تے ایسے سال پہلی وار شہر دے مرکز چ بجلی دیاں لائٹاں لایاں گئیاں ۔