پرتگیزی ہندستان

Wikipedia توں
جاؤ: پاندھ, کھوج
پرتگیزی انڈیا دا نشان

پرتگیزی ہندستان ، برصغیر دی سرزمین تے پرتگال دیاں نکیاں نکیاں کالونیاں دے مجموعے دا ناں سی جہڑے 1510ء توں 1961ء تک پرتگال دے قبضے چ رہے ۔ 1947ء چ برطانوی ہند دی آزادی ویلے پرتگیزی انڈیا چ کئی ساحلے علاقے جنہاں چ گوا ، دمن ، دیؤ ، ڈاڈرا تے نگر حویلی دے شامل سن ۔ پرتگیزی ہندستان دے علاقےآں نوں کئی واری مجموعی طور تے صرف گوا وی آکھئیا جاندا سی ۔


ابتدائی تریخ[لکھو]

پرتگیزی ہندستان دا 1799ء دا اک سکہ


پرتگیزياں دا ہندستان نال پہلا تعارف 12 مئی 1498ء چ ہوئیا جدوں واسکوڈے گاما کالی کٹ دی بندرگاہ تے اترئیا جہڑا اجکل ہندستان دی ریاست کیرالا چ اے ۔ عرب تاجراں دے اعتراضاں تے واسکوڈے گاما نے کالی کٹ دے مقامی راجہ زیمورن تجارتی مراعات دا اجازت نامہ حاصل کر لئیا پر راجہ دے اجازت نامے بدلے اپنا سارا سامان ایتھے چھڈن دے اصرار پاروں اسنوں بغیر دسے جانا پئیا ۔ واسکوڈے گاما نے اپنا سامان نال رکھئیا تے کجھ پرتگیزیاں نوں چھڈ گئیا تے حکم دتا کہ اوہ ایتھے اک تجارتی اڈا قائم کرن ۔

1510ء چ پرتگیزی ایڈمرل الفانسو ڈے البوقیرق نے مقامی راجہ تیمایا ولوں بیجا پور دے سلطان نوں شکست دتی ، جس پاروں اس نوں ویلہا گوا ( پرانا گوا) چ مستقل آبدی دی اجازت لبھ گئی ۔ دکھنی صوبہ جسنوں صرف گوا وی آکھئیا جاندا سی پرتگیزی ہندستان دا ہیڈ کواٹر سی تے پرتگیزی وائسرائے وی ایتھے بیٹھدا سی جہڑا پورے ایشیاء دے پرتگیزی علاقےآں دا انتظام سمبھالدا سی ۔

پرتگیزیاں نے گجرات دے سلطان توں وی کئی علاقے ہتھیائے سن جنہاں چ دمن (قبضہ 1531) ، سالسیٹ ، بمبئی تے باچیم (قبضہ 1534ء) تے دیؤ (قبضہ 1535ء) شاملنیں۔