چیتا

Wikipedia توں
جاو: مدد, کھوج
چیتا
Cheetah.JPG
دیس: جنور
برادری: کورڈیٹ
پتی:: ماس کھانے
ٹبر: بلی ٹبر
ٹوکرہ: بلا
سائینسی ناں: Acinonyx venator

چیتا ( سنسکرت دے لفظ "چترکا" توں بنئیا اے) بلی دی نسل نال تعلق رکھدا اے ۔ شکار کردے ویلے اس دا بوہتا انحصار رفتار تے ہندا اے جہڑی کہ 120 کلومیٹر فی گھنٹہ یعنی 70 میل فی گھنٹہ تک پہنچ سکدی اے ، جس تک ایس بھوئیں دا دوجا کوئی جانور نئیں پہنچ سکدا ۔ ایہہ 0 توں 100 کلومیٹر فی گھنٹہ دی رفتار صرف ساڈھے تن سیکنڈ چ پا لیندا اے ۔


شکل صورت[لکھو]

چیتے دا رنگ گلابی ما‍‍ئل تے اس تے کالے رنگ دے دھبے ہندے نیں ۔ سر نکا تے پونچھ لمبی ہندی اے ، جہڑی بھجدے ویلے توازن قائم رکھن لئی ورتدا اے ۔ اک جوان چیتے دا وزن 65 کلوگرام تک ہو جاندا اے ۔ جے اسنوں قید چ رکھئیا جائے تے فیر اس دی نسل چ وادھے چ کجھ مشکلآں دا ساہمنا ہو سکدا اے ۔

اسدی کھل دی خوبصورتی تے قیمتی ہون پاروں اس دا غیر قنونی شکار کیتا جاندا اے ۔ موجودہ پابندیاں تے سختیاں دی وجہ توں اس دے شکار چ کافی حد تک کمی آ گئی اے ۔ پر افریقہ چ غربت دی وجہ توں کجھ شکاری حالے وی اس خوبصورت جانور دا شکار کردے نیں۔