کارسیکا

آزاد انسائیکلوپیڈیا، وکیپیڈیا توں
کارسیکا دا جھنڈا

کارسیکا سسلی ، سارڈینیا تے قبرص مگروں رومی سمندر دا چوتھا وڈا جزیرہ اے۔ جہڑا اج کل فرانس دے کول اے۔ ایہہ اٹلی دے لہندے ، فرانس دے چڑھدے دکھن تے جزیرہ سارڈینیا دے اتلے پاسے ول اے تے فرانس دے 26 انگاں چوں اک اے ۔ ایتھے نیپولین بونا پارٹ جمیا سی۔


کارسیکا فرانس دے نقشے وچ لال رنگ چ

جغرافیہ[سودھو]

کارسیکا دے راجگصر اجاکیو دا ساحلی بولیوارڈ

جزیرے دا کل کھیتر ول (رقبہ) 8680 مربع کلومیٹر اے تے اسدے ساحلاں دی لمبائی اک ہزار کلومیٹر اے تے آبادی 2005ء دے اندازے دے موجب 2،75،000 اے ۔

کارسیکا پہاڑی علاقےآں تے مشتمل اے جنہاں چ مونٹی سینٹو سب توں اچّا پہاڑ اے جس دی اچائی 2706 میٹر اے ، اس دے علاوہ 2 ہزار میٹر توں اچّیاں ہور وی چوٹیاں وی جزیرے تے موجود نیں ۔

ایہہ جزیرہ آبنائے یونیفیکو دے زریعے سارڈینیا توں جدا اے ۔

کارسیکا دے اہم شہراں چ اجاکیو ، باستیا ، کورٹی تے سارٹین شامل نیں ۔


مشہوری[سودھو]

کارسیکا نیپولین دی جمن دی تھاں دے طور تے وی جانئیا جاندا اے ،جہڑا 1769ء چ اجاکیو چ جمئیا ۔ اسدے ماں پیؤ نے فرانس ہجرت کیتی تے نیپولین نے اوتھے ای تعلیم حاصل کیتی ۔