کٹانہ

Wikipedia توں
جاؤ: پاندھ, کھوج
Katana Masamune.jpg

کٹانہ جاپان دی اک نہایت تیز دھار تلوار اے۔ اینو 13 صدی توں اج تک بنایا جا ریا اے۔ ایناں جپانی جگیردار ویلے چ سیمورائی ورتدے سن۔ کٹانہ اپنی خاص مورت توں پہچانی جاندی اے: ایدی دھار پتلی، اک پاسیوں تیز تے ہلکی جی مڑی ہوندے اے تے اینوں پڑھن لئی دو ہتھاں برابر گرپ ہوندی اے۔

کٹانہ دی لمائی تقریبا 60 سینٹیمیٹر توں تھوڑے بوتی ود ہوندی اے۔ کٹانہ نوں اک خاص جپانی سٹیل ٹاماہاگانے توں بنایا جاندا اے۔ ٹاماہاگانے سٹیل اک خاص طریقے نال بنایا جاندا اے جیدے توں بنیا سٹیل کئی وکھریاں کاربن دی مقدار آلیاں تہواں دا ہوندا اے۔ ٹاماہاگانے بنان دے اس خاص طریقے نال سٹیل چوں گند بلا نکل جاندا اے تہ کاربن ٹھیک مقدار چ باقی ریندا اے۔ لوہار تلوار بنان دا کم کئی وار وکھری قسماں دے سٹیل نوں مروڑ کہ تے ویلڈ کر کے ٹوردا اے۔ اس نال کاربن برابر ہوجاندا اے۔ اس کم نال سٹیل دی اک بلٹ بن جاندی اے۔

کٹانہ دی دھار نوں موڑن لئی ایدے اتے لوہار پانی، مٹی، زنگ، تیز کرن آلا پوڈر تے راکھ دا مکسچر لا دیندا اے۔ اس دے بعد اینوں پانی چ ڈوبیا جاندا اے۔ کاربن دیاں وکھریاں مقداراں نال کٹانہ دی دھار اپر ال مڑ جاندی اے۔ پانی چ ڈوب کہ اک دم ٹھنڈا کرن نال کٹانہ دا سٹین مارٹنسائٹ ٹائپ دا ہو جاندا اے، جیڑی سٹیل دی بوت سخت قسم اے۔ ایہ کرن نال بلیڈ اتے نشان پیہ جاندے نیں جینوں ہارمون کیندے نیں۔ ہر تلوار دے نشان دوجی توں وکھرے ہوندے نیں۔ اس دے بعد کٹانہ نوں 1 توں 3 ہفتے تک پالش کیتا جاندا اے۔

جاپان دے فنون لطیفہ وچ اینو بڑانا وی شامل اے۔