جاپان

جاپان
Japan
日本国

چنڈا	نشان
راجگڑھ:	ٹوکیو
تھاں:	377,944 مربع کلومیٹر
لوک گنتی:	127,960,000
کرنسی:	یین
بولی:	جاپانی

جپان چڑھدے ایشیاء وچ جزیریاں تے مشتمل اک دیس اے۔ اے بہر الکاہل وچ واقعہ اے۔

اس دی آبادی 12 کروڑ 80 لکھ اے۔ ٹوکیو جاپان دا دارالحکومت اے۔ ہونشو کیوشو شیکوکو تے ہوکیڈو اے دے وڈے جزیرے نے۔ اے جپان دے سمندر، چین، اتلا کوریا، دکھنی کوریا تے روس دے سجے پاسے اے۔ اےدے 4 جزیرے نیں جےڑے جپان دے 97 فیصد حصے تے پھےلے ہوءے نے۔ ذیادہ تر جزیرے پہاڑی، کچھ آتش فشانی نے۔ مثال دے طور تے جپان دا سب توں وڈا جزیرہ فیوجی آتش فشانی اے۔ جپان آبادی دے لحاض نال دنیا دا دسواں وڈا دیس اے۔ جپان جی ڈی پی دے لحاض نال دنیا دا دوجا وڈا ملک اے۔ اے مال ویچن دے لحاض نال دنیا دا چوتھا تے ملک چ لیان والا چھٹا وڈا دیس اے۔

[لکھو] نیرکتا

جپانی اپنے دیس نوں نپون کیندے نین جیدا مطلب اے چڑھدے سورج دا دیس۔ بول 'جپان' ملائی بولی توں پرتگیزی تے ہور یورپی بولیاں چ آیا۔

[لکھو] تریخ

لکھتاں چ جپان پہلی واری تیجی صدی چ آیا جدوں ایدے بارے اک چینی تریخ دی کتاب چ گل آئی۔ اٹھویں صدی چ جپان چ بدھ مت دا دی نیو رکھی گئی۔ اٹھویں صدی چ ای نارا ویلے چ جپان اک اک تکڑی سرکار بندی اے۔ ایے ویلے چ چین توں سرکار چلان دے ول وی جپان چ چلاۓ گۓ۔ 794 چ کیوٹو جپان دا راحگڑھ بنیا تے اے اک ہزار ورے تک ریا۔ 1274 تے 1281 تے جپان نے منکولاں دے ہلے نوں پچھے کیتا۔ 16ویں صدی چ یورپی مشنری جپان آے تے جپان دا دنیا نال رہتلی تے کاروباری ساک ہویا۔ 1693 چ جپان نے دنیا توں وکھ ہون دی سوچ تے چلیا تے پورے جگ نال جوڑ توڑ لۓ گۓ۔ ناگاساکی چ نیدرلینڈز نال اک نکا جیا جوڑ ریا۔ 31 مارچ 1854 نوں کموڈور میٹتھیو پیری امریکی سمندری جعازاں تے جپان آیا تے جپان دے بوۓ بارلی دنیا لئی کھولے۔ جپان نے میجی بادشاہ دے تھلے اگے ودیا تے الے دوالے دیاں دیساں نال اودے چگڑے وی ہوۓ۔

1894-95 دی پہلی چینی جپانی لڑائی تے 1905 دی روسی جپانی لڑائی دے مکروں جپان نے کوریا تائیوان تے ادے سکھالین تے مل مار لیا۔ پہلی وڈی لڑائی چ جپان دے کول تھاواں چ وی وادا ہویا۔ 1931 چ منچوریا تے مل مارن مکروں اونے لیگ آف نیشنز چھڈ دتی۔ 1937 چ جپان نے دوجی چینی جپانی لڑائی چھیڑدتی۔ 1940 چ جپان نے فرانسیسی ہندچینی تے مل مارلیا تے 1941 چ جپان نے امریکہ تے ہلہ بول دتا۔ 1945 چ امریکن نے جپان دے دو شہراں ہیروشیما تے ناگاساکی تے ایٹم بمب سٹے جس توں جپان نے 15 اگست نوں ہتھیار سٹ دتے۔ لکھاں جپانیاں نوں جپان اپنیاں کلونیاں توں انا پیا۔ کج جپانیاں تے لڑائی جرماں باجوں مفدمے وی بناۓ گۓ۔ 1947 چ جپان نے اک نواں قنون بنایا تے اک لوک راج بن گیا۔ 1956 چ جپان یونائیٹڈ نیشنز دا سنگی بن گیا۔ لرآئی دے مکروں جپان نے چوکھا اکے ودیا۔

[لکھو] سرکار تے سیاست

جپان اک قنونی بادشاہت اے جتھے شہنشاہ کول تھوڑا زور اے۔ جپان دا شہنشاہ دیس دا نشان تے اک ہون دی نشانی اے۔ جپان دے وزیراعظم کول تے جپانی پارلیمنٹ کول اصل طاقت اے۔۔ طاقت دا گڑھ جپانی لوک نیں۔ اکیہیتو اجکل جپان دا شہنشاہ اے۔ ناروہوتو جپان دا اگلا شہنشاہ اے۔ جپان دی پارلیمنٹ دو انگاں نال رل کے بندی اے۔ ہاؤس آف ریپریزنٹیٹو جیدے چ 480 سنگی نیں تے ہاؤس آف کونسلر جیدے چ 242 سنگی نیں۔ ہاشس آف ریپریزنٹیٹو سدے ووٹاں نال چنیا جاندا اے۔ 20 ورے توں بندا ووٹ دے سکدا اے۔ 2009 نوں ڈیموکریٹک پارٹی آف جپان راج کر رئی اے۔

[لکھو] جغرافیہ

جپان تن ہزار توں ود جزیریاں نال رل کے ایشیاء دے کنڈے تے بحرالکاہل چ وسدا اک دیس اے۔ وڈے جزیرے ایہ نیں: ہوکیڈو، ہونشو، شیکوکو، کیوشو۔ ریوکیو چزیرے جناں چ اوکیناوا وی ہیگا اے کیوشو تون تھلے کرکے نیں۔ جپان دا 70 توں 80٪ تھاں پعاڑی تے جنگلی اے جتھے وائیبیجی نیں ہوسکدی تے ناں اے کعر کارخانے بن سکدے نیں۔ ایدے نال فیر اے ہویا اے جے وشکارلے جپان چ چوکھے سارے جپانی ریندے نیں۔

[لکھو] فوج تے بارلے جوڑ

جپان اپنی فوج تے تے پیسے لان والے وڈیاں دیساں چوں اک اے۔ جپان دے امریکہ نال گوڑے فوجی ساک نیں۔ جپان دے اپنے الے دوالے دیاں دیساں نال کج تھاواں بارے چگڑے وی نیں۔

[لکھو] کم کاج

1868 توں میجی ویلے توں جپان نے کھلی مارکیٹ والی پالیسی تے چلیا۔ تھوڑے ویلے ج ای جپان ایشیاء دا اک اگے وددا دیس بن گیا۔ 1960 توں 1980 تک جپان رج کے اگے ودیا۔ 2009 دے سعاب کتاب چ جپان امریکہ دے مگرون دنیا دی سب توں چوکھا کارخانیاں والا دیس اے۔ جیدا مل 5 ٹرلین ڈالر اے۔ جپان دیاں وڈیاں کمپنیاں چ ٹویوٹا سونی ہنڈا، ہٹاچی، مٹسوبیشی، نسان تے کینن نیں۔

[لکھو] لوک گنتی

جپابی لوک گنتی 12 کروڑ تے 73 لکھ دے نیڑے اے۔ اے بولی تے رہتل دے سعاب نال اکو جئی اے۔ جپان چ الے دوالے دے تے یورپی تے امریکی لوک وی ریندر نیں۔۔ جپان دی جین دی اوسط عمر 81 ورے اے۔

[لکھو] بولی

99٪ جپانی لوک جپانی بولی پہلی بولی لئی بولدے نیں۔ اک سعاب نال 49٪ جپانی بول چینی توں اۓ نیں 34٪ دے نیڑے بول کعر دے نین تے 9٪ دے نیڑے بول ادھارے نیں۔

[لکھو] مت

30٪ دے نیڑے جپانی لوک اپنے آپ نوں کسے مت نال جوڑدے نیں۔

[لکھو] سائینس تے ٹیکنالوجی

جپان سائینس تے ٹیکنالوجی چ اک بعوت اگےودیا دیس اے۔ 700000 دے نیڑے کھوجی جپانیاں لئی 130 ارب ڈالر دا بجٹ اے۔ جپان نیں سائینس چ 15 نوبل انعام تے 3 فیلڈز میڈل جتے نیں۔ جپان روبوٹ بنان چ وی چوکھا اگے اے۔

[لکھو] جپان چ حیاتی

جپان چ میملز دیاں 130 ونڈاں، پنچھیاں دیاں 600 ونڈاں، ریپٹائیلز دیاں 73 ونڈاں، مچھیاں دیاں 3000 ونڈاں، تے تتلیاں دیاں 300 ونڈاں ہوندیاں نیں۔ 5000 توں لے کے 6000 تک بوٹیاں دیاں ونڈاں وی نیں۔