کھیرا

آزاد انسائیکلوپیڈیا، وکیپیڈیا توں
کھیرا
پچھان
دیس: بوٹے
برادری: پھلوالے بوٹے
برادری: کدو ٹبر
سائینسی ناں: Cucumis sativus

کھیرا کدو ٹبر دا چوکھا اگانوالا اک بوٹا اے۔ ایہ اک ویل ہوندی اے جیدے تے لمبوترا فروٹ لگدا اے جیہڑا کھان پین وچ کم اندا اے۔ ایس دا اصل دیس دکھنی ایشیاء اے۔


وکھالہ[سودھو]

کھیرا اک ویل اے جیدیاں جڑاں زمین وچ ہوندیاں نیں پر اپنے ٹنگنیاں نال لاگے دے بوٹیاں تے چڑھ جاندی اے۔ ایھدے پتے ایہدے پھل تے چھتری کردندے نیں۔ کھیرے دا پھل لما تے گول ہوندا اے جیدے انت پدھرے ہوندے نیں۔ ایہ 6 انچ توں لے کے اک فٹ تک لمبی ہو سکدی اے ایدے چھلڑ لا دیندے نیں تے گودا کھا جاندے نیں۔ اینوں زیادہ تر سلاد لئی ورتیا جاندا اے۔ کھیرا 90% پانی ہوندا اے۔

کھیرا پورا تے لمبائی وچ کٹیا ہویا

تریخ[سودھو]

کھیرے دا اصل دیس ہندستان اے جتھے ایہ پچھلے 3000 وریاں توں اگایا جاریا اے۔ ایہنوں خورے رومی یا یونانی یورپ لے گۓ۔ لکھتاں وچ ایہ 9ویں صدی وچ فرانس، 12ویں صدی وچ برطانیہ تے 16ویں صدی وچ امریکہ اگایا جاریا سی۔

ورتن[سودھو]

کھیرے سلاد لئی عام کھادا جاندا اے۔ لوک ایہنوں چھل کے ٹوٹے کرکے کھاندے نیں یا چھلے بنا ای کھاجاندے نیں۔ ایہدا اچار وی پایا جاندا اے۔

اگائی[سودھو]

دنیا وچ سب توں چوکھا کھیرا چین وچ اگایا جاندا اے۔

کچا کھیرا
100 گرام کھیرے دی بنتر
انرجی: 65 کلوجاؤل
کاربوہائیڈریٹ: 3.63 گ
شکراں: 1.67 گ
فائبر: 0.5 گ
چربی: 0.11 گ
پروٹین: 0.65 گ
پانی 95.23 گ

بارلے جوڑ[سودھو]