گنگا رام

Wikipedia توں
جاؤ: پاندھ, کھوج
گنگا رام
Sir Ganga Ram.jpg
جمیا: اپریل 1851 مانگتانوالہ ننکانہ صاحب
مریا : 10 جولائی 1927 لندن
گن: سول نجینیر

گنگا رام (April 1851 – July 10, 1927) برطانوی ویلے دا اک پنجابی سول انحینیر سی۔

گنگا رام مانگتانوالہ ضلع ننکانہ صاحب پنجاب برطانوی ہندستان وچ اپریل 1851 نوں جمیا۔ اوہدے پیو دا ناں دولت رام سی جیہڑا مانگتانوالہ تھانے وچ تھانیدار سی۔ ایتوں ایہ ٹبر امرتسر چلا جاندا اے جتھے گورنمٹ ہائی سکول توں گنکارام نے میٹرک پاس کیتی۔ 1868 وچ وچ گورنمنٹ کالج لاہور وچ داخل لیا۔ 1871 وچ وظیفہ لیا تے تھامسن سول انجنیرنگ کالج روڑکی وچ پڑھنے پیا 1873 وچ سونے دا ٹکا جتیا۔ 1873 وج سرکاری نوکری کیتی. پر نوکری چھڈ کے اوہنے سرکار کولوں 50 ہزار ایکڑ رکڑ تھاں ضلع ساہیوال وچ پٹے تے ل‏ئ تے وائی بیجی کرن لگ گیا۔ تن وریاں وچ اوہنے ایس رکڑ تھاں نوں ودیا وائی بیجی ولی زمین وج پلٹدتا۔ ایس زمین تے اوہنے ہائیڈرولک پلانٹ وی لایا۔

1900 وچ کنگ ایڈورڈ دے دربار دے سجان دی زمےواری اوہدے تے پائی گئی۔ 1903 وچ اوہنے سرکاری نوکری چھڈ دتی۔

اوہنوں نویں لہور دا پیو وی کیا جاندا اے۔ اوہنے لاہور میوزیم جنرل پوسٹ آفس لہور ایچیسن کالج نیشنل کالج آف آرٹس سرگنگا رام ہسپتال لیڈی میکلیگن گرلز ہائی سکول۔ گورنمنٹ کالج لاہور دا کیمسٹری ڈیپارٹمنٹ، میو ہسپتال دا البرٹ وکٹر انگ، لاہور کالج فار ومن ، ہیلی کالج آف کامرس، معذوراں لئی راوی روڈ ہائوس، گنگا رام ٹرسٹ بلڈنگ، لیڈی مینراڈ انڈسٹریل سکول تے ماڈل ٹاؤن بنائے۔

گنگارام ہسپتال 1921 لاہور وچ بنیا۔ 1951 وچ دلی ہندستان وچ وی اک گنکا رام ہسپتال بنایا گیا۔ رینالہ خرد وچ بجلی بنان دا پلانٹ اوہنے اپنے پیسیاں توں بنایا۔ پنجاب دے انگریز گورنر میلکم ہیلی نے اوہدے بارے آکھیا،"سرگنگا رام اک ہیرو طراں جتدا اے پر درویشاں طراں دان کر دیندا اے”۔ ریاست پٹیالہ تے دلی وچ وی اوہنے کم کیتے۔

ضلع لائل پور (فیصل آباد) وچ بچیانہ ریلوے سٹیشن توں اپنے پنڈ تک اوہنے اک نویکلا کم کیتا۔ لوۓ دی لین وجھا کے اوہدے اتے اوہنے گھوڑ گڈی چلائی۔ ایس ضلعے وچ وی اوہنے زمین ملیں لے کے اوہنوں ودیا وائی بیجی والی زمین وج پلٹیا۔

گنگا رام 10 جولائی 1927 نوں لندن وج مریا تے اوہدے کین باجوں اودی سوآ نوں راوی کنڈے دبیا گیا۔

گنگا رام ساہت وچ[لکھو]

سعادت حسن منٹو آپنی اک کہانی وچ لکھدا اے،" مزہبی پاگل پنے نال انھا ہویا مسلماناں دا اک جلوس ہندواں دے کْجھ رہائیشی علاقیاں نوں اگاں لا کے تباہ برباد مگروں سر گنگا رام دے بت ول آگیا پہلے اوہناں ایس نوں پتھر مارے فر لْک نال ایہدا مونہہ کالا کیتا ایس مگروں اک بندہ جْتیاں دا ہار لے کے بت دے گل وچ پائون لئی چڑھیا۔ ایس دوران۔ پلس آگئی گولی چل گئی پھٹڑ ہون والیاں وچ ایہہ جتیاں دا ہار پائون وی سی ۔ سارے جلوس رولا پا دتا :” فٹا فٹ کرو ایہنوں گنگا رام ہسپتال لےچلو”۔