یکون

Wikipedia توں
جاو: مدد, کھوج
یکون دا جھنڈا
یکون دا نشان
کینیڈا دے نقشے چ یکون

یکون کینیڈا دا اک اتلا لہندا علاقہ اے ۔ ایہہ رقبے دے لحاظ نال کینیڈا دے 3 سب توں چھوٹے علاقےآں چوں اک اے ۔ اس دا ناں یوکون ہون دی وجہ دریائے یوکون اے ، جس دے معنی گوچ بولی چ وڈے دریا دے نیں ۔

یوکون نوں ریاست یوکون وی آکھئیا جاندا اے ، پر مقامی لوک اے تے ناراض ہندے سن ، اس لئی 2003ء چ وفاقی حکومت نے یوکون ایکٹ دے راہیں ریاست دا ناں ریاست یوکون توں بدل کے یوکون رکھ دتا ۔

یوکون دا پہاڑ لوگن 5959 میٹر اچّا اے جہڑا کہ کلایون نیشنل پارک اینڈ ریزرو چ اے ۔ ایہہ پہاڑ اس ریاست دی سب توں اچّی تھاں تے اتلے امریکہ چ دوجی سب توں اچّی تھاں اے ۔


جغرافیہ[لکھو]

یکون دا نقشہ

ایہہ بوہت ای گھٹ آباد علاقہ برفیلے پانیاں دیاں جھیلاں تے سارا سال برف نال ڈھکی پہاڑی چوٹیاں تے مشتمل اے ۔ اس علاقے دا موسم اگرچہ برفانی ، نیم برفانی تے انتہائی خشک اے ۔ ایتھے سردیاں لمبیاں تے سرد ہندیاں نیں ۔ گرمیاں دے چھوٹے جہے عرصے چ لمبے دناں دی وجہ توں سبزیاں تے پھلاں دی تھوڑی جنی فصلاں ہندیاں نیں ۔

یکون دی سرحد لہندے چ امریکی ریاست الاسکا نال ، اتر چ نارتھ ویسٹ ریاست تے دکھن چ برٹش کولمبیا نال ملدیاں نیں ۔ اس دے اتلے ساحل تےبحیرہ بیوفورٹ اے ۔ اس دی غیر ہموار چڑھدی سرحد یوکون بیسن تے دریائے میکنزی دے وچکار حد دا کم کردی اے ۔ اس دا راجگھر وائٹ ہارس اے ۔

کینیڈا دا بلند ترین مقام ماؤنٹ لوگن ایسے ریاست دے لہندے دکھن چ موجود اے ۔ ریاست دا زیادہ تر حصہ دریائے یکون دے نال اے ۔ یوکون دے دکھنی حصے چ گلیشیئر نال بنن آلی جھیلاں دی کٹرت اے جہڑیاں لمبیاں ، تنگ تے ہر قسم دیاں نیں ۔ اینہاں دی اکثریت دریائے یوکون نال جا ملدی اے ۔ وڈیاں جھیلاں چ ٹسلین ، آٹلن ، ٹاگیش ، مارش ، لبیرک ، کساوا تے کلوان نیں ۔ بینیٹ جھیل ناریس جھیل نال جا ملدی اے اس دا زیادہ حصہ یکون چ اے ۔

کوہ رچرڈسن
دریائے یکون

پانی دے دوجے زریعاں چ دریائے میکنزی تے السیک ٹاٹشینشینی نیں ، اس دے علاوہ بوہت سارے دوجے چھوٹے چھوٹے دریا بیوفورٹ سمندر چ جا ڈگدے نیں ۔ یوکون دے 2 وڈے دریا ، دریائے لیارڈ تے دریائے پیل شمالا جنوبا وگدے ہوئے دریائے میکنزی نال جا ملدے نیں ۔

یکون دا صدر مقام وائٹ ہارس ایتھے دا سب توں وڈا شہر وی اے ، ایتھے ریاست دی دو تہائی آبادی رہندی اے ۔ دوجا وڈا شہر ڈاسن اے جہڑا 1952ء تک ایتھے دا صدر مقام رہئیا اے ۔


تریخ[لکھو]

قوماں[لکھو]

یکون سائن
ہان سردار آئزک ،یکون 1898ء

2001ء دی مردم شماری دے مطابق یوکون چ انگریز آبادی دا تناسب 27 فیصد ، قدیم قبائل 22 فیصد ، سکاٹش 22 فیصد ، آئرش 19 فیصد ، جرمن 14 فیصد تے فرانسیسی 13 فیصد سن پر اک چوتھائی لوکاں نے خود نوں کینیڈین ظاہر کرن نوں ترجیح دتی ۔


بولی[لکھو]

2006ء دی مردم شماری چ یکون دی کل آبادی 30372 سی ، اینہاں چوں 29940 نے رائے شماری چ حصہ لئیا تے 85 فیصد نے اپنی ماں بولی انگریزی تے 3 فیصد نے فرانسیسی نوں ماں بولی دسئیا ۔

یوکون دے لینگوئیج ایکٹ چ مقامی بولیاں دی اہمیت تے زور دتا گئیا اے پر قنون ، عدالت تے دوجے حکومتی دفتراں چ صرف انگریزی تے فرانسیسی ای ورتیاں جاندیاں نیں ۔


مذہب[لکھو]

معیشت[لکھو]

سیاحت[لکھو]

آواجائی دے زریعے[لکھو]

حکومت تے پالیسیاں[لکھو]

قدیم قبیلےآں دیاں حکومتاں[لکھو]