آستا نیلسن

آستا نیلسن
آستا نیلسن اپنی برلن رہائش وچ، 1925
معلومات شخصیت
قومیت	Danish
شریک حیات	اربن گید (وِ۔1912–ت۔ 1918) پھرڈینند ونگارڈ (وِ۔1919–ت۔ 1923) اینڈرس کرشچیئن تھیڈی (وِ۔1970)
ساتھی	گریگوری چامارا (1923-1930s)
اولاد	1
تعداد اولاد
عملی زندگی
مادر علمی	رائل ڈینش تھئیٹر
پیشہ	ایکٹر
پیشہ ورانہ زبان	ڈنمارکی
دور فعالیت	1902–1936
	IMDB اُتے صفحہ

آستا سوفی املی نیلسن (11 ستمبر 1881) – 24 مئی 1972) اک ڈینمارک دی خاموش فلم اداکارہ سی جو 1910 ویاں دیاں سبھ توں مشہور پرمکھ عورتاں وچوں اک سی اتے پہلے قومانتری فلم ستاریاں وچوں اک سی۔ نیلسن دیاں ستّ فلماں جرمنی وچ بنیاں سن جتھے اوہ صرف ڈائ اسٹا ( ڈی اسٹا) وجوں جانی جاندی سی۔

آپدیاں وڈیاں کالیاں اکھاں، مکھوٹے ورگے چہرے اتے لڑکیاں ورگے ڈیل ڈول لئی مشہور، نیلسن اکثر دکھدائی حالاتاں وچ پھسیاں مضبوط اچھاواں والیاں بھاوک عورتاں دے پاتر کریا کردی سی۔ اس دی اداکاری دے کامک سبھاء دے کارن، نیلسن دیاں فلماں امریکہ وچ سینسر کیتیاں جاندیاں سن، اتے اسدا کم امریکی ناظرین لئی مقابلتاً اوٹ وچ رہا۔ اس نوں فلمی اداکاری نوں سدھی تھیئیٹریکلٹی توں ودھیرے سوخم پرکرتیوادی سٹائل وچ بدلن دا سہرا جاندا اے۔

نیلسن نے 1920 ویاں دے دہاکے دوران برلن وچ اپنے فلمی سٹوڈیؤ دا قیام کیتا، پر جرمنی وچ نازیواد دے ابھار توں بعد 1937 وچ ڈینمارک واپس پرط گئی۔ اسدے بعد دے سالاں وچ نیلسن اک نجی شخصیت دے طور تے وچرن لگی، اتے کولاج کلاکار اتے لکھاری بن گئی۔

شروعاتی جیون

آستا سوفی عملی نیلسن دا جم ڈینمارک دے کوپینہیگن دے ویسٹربرو حصہ وچ ہویا سی۔ اوہ اک اکثر بے روزگار رہن والے لوہار اتے اک دھوبن دی دھی سی۔ نیلسن دے پروار نے اس دے پیؤ دے روزگار دی بھال دے چکر وچ اسدے بچپن دوران کئی وار رہائش بدلی کیتی۔ اوہ سویڈن دے مالما وچ کئی سالاں تک راے جتھے اس دے پیؤ اک مکی دی چکی اتے پھر اک فیکٹری وچ کم کردے سن۔ ایہہ نوکریاں گواؤن توں بعد، اوہ کوپینہیگن دے نریبرو حصہ وچ رہن لئی واپس پرط گئے۔ جدوں اوہ چوداں سالاں دی سی نیلسن دے پیؤ دی موت ہو گئی۔ 18 سال دی عمر وچ، نیلسن نوں رائل ڈینش تھئیٹر دے اداکاری سکول وچ لے لیا گیا سی۔ اتھے اپنے ویلے دوران، اسنے رائل ڈینش اداکار، پیٹر جرنڈورپھ نال نیڑیوں مطالعہ کیتا۔ 1901 وچ، 21 سالاں دی نیلسن حاملہ ہو گئی اتے اسنے اپنی بیٹی، جیستا نوں جم دتا۔ نیلسن نے کدے وی بچی دے پیؤ دی پچھان نہیں ظاہر کیتی اتے اپنی ماں اتے وڈی بھین دی مدد نال اپنے بچے نوں اکلیاں پالنا قبول کیتا۔

فلمی کریئر

الیگزینڈر بائنڈر، ولوں لئیاں آستا نیلسن 1920 ویاں دیاں تصویراں ۔