آنٹ مین (فلم)

اینٹ-مین
Official poster shows Ant-Man in his suit, and introduces a montage of him starts to shrink with his size-reduction ability, with a montage of helicopters, a police officer holds his gun, two men in suit and tie and sunglasses and the film's villain Darren Cross is walking with them smiling, Paul Rudd as Scott Lang, Michael Douglas as Hank Pym, and Evangeline Lilly as Hope van Dyne with the film's title, credits, and release date below them, and the cast names above. رنگنچ پوسٹر
ڈریکٹر	پیٹن ریڈ
پروڈیؤسر	کیون پھیئگی
سکرین پلے	ایڈگر رائیٹ جو کورنش ایڈم میککے پول رڈ
کہانی	ایڈگر رائیٹ جو کورنش
ستارے	پول رڈ اوینجلین للی کوری سٹول بوبی کیناویل مائکل پینیا ٹپ "ٹی۔آئی۔" ہیرس اینتھنی میکی وڈّ ہیرس جوڈی گریر ڈیوڈ ڈیسٹملچئین مائکل ڈگلس
سنگیتکار	کرسٹوپھ بیکّ
سنیماکار	رسل کارپینٹر
اڈیٹنگ	ڈین لیبنٹل کولبی پارکر، جونیئر
سٹوڈیؤ	مارول سٹوڈیؤز
ورتاوا	Walt Disney Studios Motion Pictures
رلیز تریخ	جون 29, 2015 (2015-06-29) (ڈولبی تھئیٹر) جولائی 17, 2015 (2015-07-17) ( ریاست ہائے متحدہ امریکہ)
ویلہ	117 منٹ
دیس	ریاست ہائے متحدہ امریکہ
بولی	انگریزی
بجٹ	$130–169.3 ملیان
باکس آفس	$519.3 ملیان

اینٹ-مین اک 2015 دی امریکی سوپرہیرو فلم اے، جہڑی کہ مارول کومکس دے سکوٹ لینگ اتے ہینک پم اُتے بیسڈ اے۔ اس نوں مارول سٹوڈیؤز نے بنائی اے اتے والٹ ڈزنی سٹوڈیؤز موشن پکچرز ولوں ونڈی گئی اے، ایہہ مارول سنیمیٹک ینیورس دی بارویں فلم اے۔ ایہہ فلم پیٹن ریڈ ولوں ڈاریکٹ اتے ایڈگر رائیٹ، جو کورنش، ایڈم میککے اتے پول رڈ دی لیکھنی ٹیم نے لکھی اے۔ اس فلم وچ پول رڈ نے سکوٹ لینگ / اینٹ-مین دا کردار کیتا اے اتے نال-نال اوینجلین للی، کوری سٹول، بوبی کیناویل، مائیکل پینیا، ٹپ "ٹی۔آئی۔" ہیرس، اینتھنی میکی، وڈّ ہیرس، جوڈی گریر، ڈیوڈ ڈیسٹملچئین اتے مائیکل ڈگلس وی ہن۔ فلم وچ، سکوٹ لینگ نوں ہینک پم دی اینٹ-مین سنگڑن والی تکنالوجی نوں بچاؤنا پیندا اے اتے اک ڈاکہ مارن دی ویونت بناؤنی پیندی اے۔

پلاٹ

1989 وچ، جدوں سائنسدان ہینک پم شیلڈ توں استعفٰی دے دندا اے کیونکہ اس نوں پتہ لگدا اے کہ شیلڈ اس دی اینٹ-مین سنگڑن والی تکنالوجی دی نقل کرن دا جتن کردی پئی اے۔ ہینک پم نوں لگدا اے کہ جیکر ایہہ تکنالوجی دی نقل کیتی گئی تاں ایہہ خطرناک ثابت ہو سکدی اے، اس کرکے اوہ اس تکنالوجی نوں جد تک جیوندا اے ادوں تک لکو کے رکھن دی سہں کھاندا اے۔ موجودہ ویلے وچ ہینک پم دی وچھڑی ہوئی دھی اتے اس دا سکھیارتھی ڈیرن کروس اس نوں اسدی کمپنی پم ٹیکنالوجیز وچوں کڈھ دندے ہن۔ کروس اپنا سنگڑن والا سوٹ ییلوجیکٹ بناؤن دے کنڈھے اُتے اے، جس کارن ہینک پم نوں توکھلا ہون لگ پیندا اے۔

قید وچوں چھٹن توں بعد منیا پر منیا چور سکوٹ لینگ اپنے نال دے قیدی لئی نال رہن لگ پیندا اے۔ سکوٹ اپنی دھی کیسی نوں ملن جاندا اے، پر اسدی سابقہ وہوٹی اتے اسدا پلس-سوہیا منگیتر پیکسٹن اس نال کیسی لئی پیسے نہ دین لئی لڑن لگ پیندے ہن۔ اپنے ماڑے بدمعاش-دستاویز کارن کوئی نوکری نہ ملن کرکے، سکوٹ اپنے یار لئی نال ڈاکہ مارن لئی رل جاندا اے۔ سکوٹ اک گھر وچ وڑ جاندا اے اتے اس دی تجوری بھنّ دندا اے اتے اس نوں لگدا اے کہ وچ اک پرانا موٹرسائیکل دا سوٹ پیا اے، جہڑا کہ اوہ اپنے گھر لے جاندا اے۔ سوٹ گھر لجان توں بعد جدوں اوہ سوٹ نوں پا کے دیکھدا اے تا غلطی نال اوہ اپنے آپ نوں اک کیڑے جنا کر لیندا اے۔ ایہو جہے خطرناک تجربے توں بعد اوہ گھبرایا ہویا سوٹ واپس اس ہی گھر وچ رکھ آؤندا اے، پر آؤندے ہوئے اس نوں گرفتار کر لیا جاندا اے۔ پر، ہینک پم اس نوں قید وچ ملن جاندا اے اتے اس نوں اینٹ-مین سوٹ دے دندا اے تاں کہ اوہ قید وچوں باہر نکل سکے۔

ہینک پم نے اک انجان لئی ولوں سکوٹ نوں مورخ بنایا اتے ہینک نے آپ اس کولوں اینٹ-مین سوٹ دی چوری کروائی تاں کہ اوہ اس نوں نواں اینٹ-مین بنا سکے تاں کہ اوہ کروس دا ییلوجیکٹ چوری کر سکے۔ کروس اتے کئی چر توں نگاہ رکھن تاں بعد اتے اس دیاں نیئتاں دا پتہ لگن توں بعد ہوپ وین ڈائن اتے ہینک پم سکوٹ نوں کیڑیاں نوں قابو کرن دی سکھلائی دندے ہن۔ جدوں ہوپ، ہینک خلاف اس دی بے بے جینیٹّ دی موت لئی ناراضگی ظاہر کردی اے، تاں اوہ دسدا اے کہ جینیٹّ، جس نوں واسپ دے ناں نال وی جانیا جاندا اے اک سبّ-ایٹومک کوانٹم کھیتر وچ الوپ ہو گئی جدوں اوہ اک سوویت مسائیل نوں بند کردی پئی سی۔ ہینک سکوٹ نوں نصیحت وی ایہہ ہی نصیحت دندا اے، کہ اس نال وی ایہہ ہو سکدا اے جیکر اوہ اپنے سوٹ دے ریگولیٹر نوں اوورلوڈ کر دیویگا تاں۔ اوہ اس نوں اوینجرز دے مکھ دفتر توں اک جنتر چوری کرن لئی بھیج دے ہن، جہڑا کہ اوہناں لئی ڈاکہ مارن وچ مددگار ثابت ہووےگا، جتھے اس دی تھوڑھے جہے ویلے لئی سیم ولسن نال لڑائی ہندی اے۔

کروس ییلوجیکٹ نوں بنا لیندا اے اتے پم ٹیکنولوجیز دے مکھ دفتر وکھے اک تقریب رکھدا اے۔ سکوٹ اتے اس دے اڈن والی کیڑیاں دا ٹولا وی اتھے پہنچ جاندا اے اتے کمپنی دے سروراں دی توڑپھوڑ اتے بمب لگا دندے ہن۔ جدوں سکوٹ، ہوپ وین ڈائن اتے ہینک پم ییلوجیکٹ چوری کرن لگدے ہن تاں کروس اوہناں نوں فڑ لیندا اے، جہڑا کہ دوہیں ییلوجیکٹ اتے اینٹ-مین سوٹ نوں ہائیڈرا نوں ویچن بارے سوچ رہا اے۔ سکوٹ اتے ہوپ کروس دے قابو وچوں چھٹّ جاندے ہن اتے سکوٹ کروس نال ادوں تک لڑدا اے جد تک سارے بمب فٹ نہ جان اتے ہوپ اتے ہینک اتھوں نکل نہ جان۔

کروس ییلوجیکٹ پا لیندا اے اتے سکوٹ اُتے حملہ کر دندا اے اتے پیکسٹن سکوٹ نوں گرفتار کر لیندا اے۔ کروس سکوٹ دی دھی کیسی نوں بندھک بنا لیندا اے تاں کہ سکوٹ اس نال پھر لڑے۔ سکوٹ اپنے سوٹ دے ریگولیٹر نوں اووررائڈ کرکے سبّ-ایٹومک پدھر تک سنگڑ جاندا اے تاں کہ اوہ کروس دے سوٹ اندر وڑ کے اس دے سوٹ دی بھنتوڑ کر سکے اتے کروس نوں مار دیوے۔ سکوٹ کوانٹم کھیتر وچ الوپ ہو جاندا اے پر اوہ کوانٹم کھیتر توں باہر آؤن وچ کامیاب ہو جاندا اے۔ سکوٹ دی ہمت لئی پیکسٹن اس نوں قید وچ جان توں بچا لیندا اے۔ سکوٹ ندی کوانٹم کھیتر توں واپسی ویکھ کے ہینک سوچدا اے کہ ہو سکدا اے اس دی گھروالی وی جیوندی ہووے۔ بعد وچ سکوٹ نوں لئی ملدا اے اتے آکھدا اے کہ سیم ولسن اس نوں لبھدا پیا اے۔

اک مڈ-کریڈٹ جھاکی وچ ہینک پم ہوپ نوں واسپ دا اک نواں سوٹ وکھاؤندا اے اتے اوہ اس نوں دے دندا اے۔ اک پوسٹ-کریڈٹ جھاکی وچ بکی بارنز، سیم ولسن اتے سٹیو روجرز دی حراست وچ اے۔ سمجھوتے کارن ٹونی سٹارک نوں رابطہ نہ ہون کرکے، سیم آکھدا اے کہ اوہ اک اجیہے بندے نوں جاندا اے جو اوہناں دی مدد کر سکدا اے۔

سیکئل

اینٹ-مین اینڈ د واسپ

اینٹ-مین اینڈ د واسپ: کوانٹمینیا

نوٹ

اس فلم دیاں واقعے اوینجرز: ایج آف الٹرونن (2015) توں کجھ مہینے بعد دیاں ہن۔

حوالے