ابراہیم روگوڡا

ابراہیم روگوڡا کوسوڡو دے پہلے صدر تے برسراقتدار ڈیموکریٹک لیگ آف کوسوڡو دے سربراہ سن ۔ کوسوڡو دی جنگ دے دوران اوہ اک میانہ رو سیاستدان تے رہنما دے طور تے پہچانے جاندے سی ، تے بعد چ اوہ کوسوو دے بابائے قوم کہلائے ۔

ابتدائی زندگی

ابراہیم روگوڡا 2 دسمبر 1944ء چ چرنچے شہر کوسوڡو چ البانوی نژاد کیلمیندی قبیلے چ پیدا ہوئے ۔ اس ویلے کوسوو دا وڈا حصہ البانیا دے نال سی ، یوگوسلاویہ دا اس علاقے تے کنٹرول دوجی جنگ عظیم دے حاتمے دے نیڑے ہوئیا جدوں ماشل ٹیٹو دی پارٹیسان آرمی نے البانوی قوم پرستان نوں شکست دتی ۔ اسدے باپ اوکے روگووا تے دادا روستے روگووا نوں یوگوسلاویا دے کیمونسٹاں نے جرمناں دے اتحادی ہون دے الزام چ جنوری 1945ء ج پھانسی لاتی سی ۔ روگووا نے پرائمری تعلیم استوک شہر چ تے ہائی سکول دی تعلیم پیج شہر چ حاصل کیتی تے 1967ء چ گریجوئیشن کیتی ۔فیر اوہ نویں بنی پریسٹینا یونیورسٹی وچ آیا جتھے اوہ فلاسفی تے مطالعہ البانیا دے شعبے دا طالب علم رہیا تے 1968ء دے کوسوو مظاہرےآں چ حصا لیا ۔