امیہ مسیت

وکیپیڈیا توں
(لیایا گیا امیہ مسجد)
Jump to navigation Jump to search
امیہ مسجد
جامع بني أمية الكبير
Umayyad Mosque, Damascus.jpg
بنیادی معلومات
مقام دمشق، شام
متناسقات 33°30′43″N 36°18′24″E / 33.511944°N 36.306667°E / 33.511944; 36.306667متناسقات: 33°30′43″N 36°18′24″E / 33.511944°N 36.306667°E / 33.511944; 36.306667
مذہبی انتساب اسلام
علاقہ لیونت
ملک شام
حیثیت سرگرم (چل رہی)
تعمیراتی تفصیلات
نوعیتِ تعمیر مسجد
طرز تعمیر امیہ
سن تکمیل 715
تفصیلات
مینار 3
مینار دی بلندی 253 فٹ
مواد پتھر، سنگمرمر، ٹائل، موزیک
امیہ مسجد رات دا مورت

امیہ مسجد، جاں دمشق دی وڈی مسجد (عربی بولی: جامع بني أمية الكبير، Romanization: Ğāmi' Banī 'Umayya al-Kabīr)،دمشق دے پرانے شہر وچ واقع، دنیا وچ سبھ توں وڈی اتے سبھ توں پرانی مسجد اے۔ کجھ مسلمان لوکاں دا وچار اے کہ ایہہ اسلام وچ چوتھا سبھ توں پاک تھاں اے۔[1][2]حوالےدی لوڑ؟

634 وچ مسلماناں دی دمشق تے جت توں بعد، مسجد نوں اک مسیحی بیسیلکا(گرجا) دے تھاں تے بنایا گیا سی جو کہ جون بیپٹسٹ (حضرت یحیٰی علیہ سلام) نوں سمرپت سی، جس دا عیسائی اتے مسلمان اک نبی وجوں اعزاز کردے نیں۔ 6ویں صدی نال متعلق اک مہان کہانی ایہہ مندی اے کہ عمارت وچ جون بیپٹسٹ دا سر اے۔ مسجد بارے مسلماناں دا ایہہ وی یعقین اے کہ ایہہ اوہ جگہ اے جتھے یسو (حضرت عیسیٰ علیہ سلام) آخری دن واپس آئیگا۔ صلاح الدین ایوبی دی قبر والا مقبرہ مسجد دی شمالی کندھ دے نال لگدے اک چھوٹے جہے باغ وچ اے۔

Umayyad Mosque.jpg

امیہ مسجد دمشق شام وچ اے۔ اے دنیا دی وڈیاں تے پرانیاں مسجداں چ شمار ہوندی اے۔ ایہ 706 تے 715 دے درمیان بنو امیہ دے خلیفہ ولید بن عبدالمالک نیں بنائی سی۔ اے فن تعمیر دا بہترین نمونہ اے۔ مسجد وچ اک عیسائیاں دی پاک جگہ وی ہیگی اے۔

اتہاس[لکھو]

قبل-اسلام دور[لکھو]

ایہہ جگہ لوہا ویلہ توں پوجا دے تھاں وجوں پرمانت ہوئی اے۔ دمشق آرامی سلطنت آرام-دمشق دا راجگڑھ سی اتے طوفان اتے مینہہ دے دیوتے ہدد-رمان دی پوجا کرن لئی سمرپت اک وڈا مندر سی، جو اج-کل دی امیہ مسجد دی تھاں تے بنایا گیا سی۔ اک پتھر ارامیا دے مندر دا بچیا ہویا اے، جو کہ راجا ہزائیل دے راج نال متعلق اے، اتے حال وچ دمشق دے نیشنل میوزیم وچ رکھیا اے۔[3] ہدد-رمان دا مندر شہر وچ اک مرکزی رول ادا کردا رہا اتے جدوں رومناں نے 64 ق م وچ دمشق نوں جت لیا تاں ہدد نوں اوہناں نے اپنے طوفان دے دیوتے جوپیٹر وچ ملا لیا۔[4] اس طرحاں، اوہ دمشق دے پیدا ہوئے آرکیٹیکٹ اپولوڈورس دے ڈریکشن ماتحت مندر نوں دوبارہ روپ دین اتے پھلار دین لئی اک پراجیکٹ بنا لیا، جسنے نویں ڈزائن دی سرجنا کیتی اتے اس نوں نیپرے چڑھا دتا۔۔[5]

رومن مندر، جو بعد وچ جوپیٹر دے شاہی پنتھ دا مرکز بن گیا سی، اس توں یروشلم دے یہودی ہیکل دے ٹاکرے دا کم لین دا منشا سی۔[6] شہر تے رومن راج دے شروعاتی ویلے دوران جوپیٹر دے مندر وچ ہور وادھے ہونے سی، جو کہ مکھ طور تے اچّ پجاریاں نے شروع کیتے سن جنہاں نے دمشق دے امیر شہریاں توں یوگدان اکتر کیتا سی۔ [7] ویہڑے دے پوربی گیٹوے نوں سیپٹیمیئس سیویرس (آر۔ 193-211 ء) دے راج دور دوران ودھایا گیا سی۔[8] چوتھی صدی عیسوی تک ایہہ مندر خاص کرکے اس دے سائز اتے خوبصورتی لئی مشہور سی۔ ایہہ شہر نالوں کندھاں دے دو واگلے مار کے وکھ کیتا ہویا سی۔ پہلی، وڈی کندھ نے اک وڈا کھیتر نوں وگلیا ہویا سی جس وچ اک مارکیٹ شامل سی اتے دوجی کندھ، جو کہ جوپیٹر دا اصل پوتر استھان سی، ایہہ رومن سیریا وچ سبھ توں وڈا مندر سی۔[9]

چوتھی صدی دے انت وچ، 391 وچ، جوپیٹر دے مندر نوں عیسائی بادشاہ تھیؤڈوسیئس پہلے نے (راج 379-395) نے اک کیتھیڈیل وچ بدل دتا سی۔ اک عیسائی کیتھیڈرل وچ اس دے بدل دین دوران، ایہہ ترنت جون بیپٹسٹ (حضرت یحیٰی علیہ سلام) نوں سمرپت نہیں سی؛ ایہہ جوڑ بعد وچ جڑیا، جو 6ویں صدی وچ آیا سی۔ دندکہانی ایہہ سی کہ حضرت یحیٰی علیہ سلام دا سر اتھے دفنایا گیا سی۔ [10] ایہہ دمشق دے بشپ دی سیٹ دے طور تے کم کردا سی، جسدا رتبہ خود بادشاہ توں بعد سی۔[11]

امیہ مسجد[لکھو]

دمشق نوں 634 وچ خالد بن ولید دی اگوائی ہیٹھ مسلم عرب فوجاں نے قبضہ کر لیا سی۔ 661 عیسوی وچ، بنو امیہ دے ہتھ وچ آیا جس نے دمشق نوں مسلم دنیا دے انتظامی راجگڑھ وجوں چنیا۔

امیہ مسجد وہڑھا
امیہ مسجد وہڑھا



مورت نگری[لکھو]

ہورویکھو[لکھو]

حوالے[لکھو]

  1. Hitti, 2002, p. 514.
  2. Braswell, 1995, p. 26.
  3. Burns, 2005, p.16.
  4. Burns, 2005, p.40.
  5. Calcani and Abdulkarim, 2003, p.28.
  6. Burns, 2005, p.65.
  7. Burns, 2005, p.62.
  8. Burns, 2005, p.72.
  9. Bowersock and Brown, 2001, pp.47-48.
  10. Burns, 2005, p.88.
  11. Darke, 2010, p.72.