اوکاپی

وکیپیڈیا توں
جاؤ: پاندھ, کھوج
اوکاپی
Okapia johnstoni -Marwell Wildlife, Hampshire, England-8a.jpg
دیس: جنور
برادری : کورڈیٹ
ٹولی : ددپلانے
ٹبر : زرافہ ٹبر
سائینسی ناں: Okapia johnstoni
Okapi Geographic Range Map-Africa.png
دنیا تے اوکاپی دی پھرن تھاں پیلے رنگ وچ

اوکاپی پدھرے کھر والے جانوراں دا اک سنگی تے ایہ زرافہ ٹبر چوں اے۔ ایہ کانگو، افریقہ دا واسی اے.ایہدیاں پچھلیاں لتاں تے زیبرے ورگیاں پٹیاں نیں تے سر زرافے ورگا۔ زرافہ تے اوکاپی زرافہ ٹبر دے دو ای سنگی نیں۔ 2013 دے آنکڑے وچ 10،000 دے نیڑے رہ گۓ نیں۔

ناں[لکھو]

اوکاپی کانگو دی لیسے بولی دا شبد اے۔ ایہدا سائینسی ناں (johnstoni) یوگنڈا دے انگریز گورنر ہیری جانسٹن دے ناں تے اے جیہنے پہلا اوکاپی دنیا دے اگے لیاندا سی۔

وکھالہ[لکھو]

اوکاپی دی گوڑی رتی مگر ہوندی اے۔ ایہدیاں اگلیاں تے پچھلیاں لتاں تے لیٹیاں پٹیاں ہوندیاں جس باہجوں ایہ دوروں زیبرا لگدا اے۔ ایہ نشان خورے نکیاں نوں اپنی ماں نوں لبھن وچ ہتھ ونڈائی کردے نیں تے جنگل وچ چھپنا وی اسان ریندا اے۔ ایہناں دا پنڈا زرافے ورگا ہوندا اے سواۓ نکی تؤن دے۔ زرافیاں وانKوں ای ایناں دیاں لمیاں لتاں تے تکڑا پنڈا ہوندا اے۔دوناں ونڈاں دیاں لمیاں جیباں (35 سینٹی میٹر دے نیڑے) ہوندیاں نیں۔ ایہ رکھاں نالوں پتے لان دے کم اندیاں نیں تے اینیاں لمیاں نیں کہ کناں وچ پھیریاں جاسکدیاں نیں تے اکھاں دے دوالے وی۔ایہدی جیب چنجلی تے زرافے وانگوں نیلی سانولی ہوندی اے۔ نر اوکاپیاں دے سر کھل نال ڈھکے دو سنگ ہوندے نیں۔ کن لمے ہوندے نیں۔

اوکاپی 1.9 توں 2.5 میٹر (6.2 توں 8.2 فٹ) سر توں پوچھل تک لمے ہوندے نیں تے 1.5 توں 2.0 میٹر (4.9 توں 6.6 فٹ) تک کندھیاں تک اجے ہوندے نیں۔ایہناں دی پوچھل 30- توں 42-سینٹی میٹر لمی ہوندی اے۔ ایہناں دا جوکھ 200 توں 350 کلوگرام تک ہوندا اے۔

اوکاپی کلا رہنوالا جانور اے۔

بارلے جوڑ[لکھو]