ایریا 51

آزاد انسائیکلوپیڈیا، وکیپیڈیا توں

ایریا 51 امریکی ہوائی فوج دا اک لکایا ہویا اڈھ اے۔ ایہ امریکی صوبے نیواڈا دی روہی دے وشکار اے۔ ایتھے اک وڈہ ہوائی اڈھ اے۔ ایہدے نال گروم جھیل اے۔ اس فوجی اڈے دا اصل کم نئیں پتہ ہون توں تے ایدے بارے چ امریکی حکومت دی خاموشی دی وجہ توں اینوں کئی کانسپریسی تھیوریاں دا گڑھ کیا جاندا اے۔

اندازہ اے کہ اینوں لکاۓ ہوۓ فوجی جعاز تے اسلحہ نوں تجربہ کرن لئی ورتیہ جاندا اے۔ اینوں 1942 چ بنانا ٹوریا گیا اس ویلے اینوں توپاں دی ورزش لئی ورتیا جاندا سی۔ ایتھے پہلی واری ایکس-1 چ آواز دی تیزی توں تیز انسان اڈیا۔ ایتھے ٹھنڈی لڑائی دے مگر جسوسی جعاز بنان تے چیک کرن لئی ورتیا جاندا سی۔ ایتھے یو-2 تے ایس آر-71 اڈا کر چیک کیتے جاندے سن۔

ایتھے امریکہ دوجے دیساں دے لڑاکہ جعازاں نوں وی چیک کردا سی تے اپنے جعازاں نال مقابلہ لاندا سی۔ ایتھے جگ دا سب توں پہلا سٹیلتھ بمبار جعاز ایف-117 Have Blue دے نال نوں بنایا تے اڈایا گیا سی۔