ایوان گروزنی
ایوان چہارم (1230ء- 1284ء)
روسی سلطنت دا پہلا زار تے ایوان سوم دا پوتا ، اسنوں ایوان چہارم ، روسی بولی چ ایوان گروزنی یعنی ایوان خوفناک تے انگریزی چ Ivan the terrible وی آکھئیا جاندا اے ۔ 1545ء چ 14 ورہیاں دی عمر چ حکومت سمبھالی تے سارے تاتاری سرداراں نوں ، جنہاں دی ماسکو دی ریاست باجگذار سی ، زیر کیتا ۔ ایوان گروزنی نے ای 1553ء چ خانان قازان دی حکومت ختم کر کے اس علاقے تے مل مار لئیا تے مسلماناں تے بوہت ساریاں پابندیاں لا دتیاں گئیاں ، مسجداں شہید کر دتاں گئیاں تے مسلماناں نوں زبردستی عیسائی بنان لئی وی طاقت ورتی گئی ۔ ایسے نے حکم دتا سی کہ خانان قازان ( خانیٹ آف کازان ) تاتار مسلماناں دے قومی نشاں چند نوں عیسائیاں دی صلیب دے پیراں چ (تھلے ) لا ئیا جائے تے اسنوں مسلماناں تے روسی آرتھوڈوکس عیسائیاں دی فتح دی یادگار قرار دتا ۔ ( حالے تک وی روس دے گرجےآں تے چند صلیب دے تھلے لائیاجاندا اے ) ۔ 1560ء چ اس دی ملکہ دے مرن نال اس دے مزاج چ غصّہ تے چڑچڑا پن پیدا ہوگئیا سی ۔ جیون دے آخری دناں چ اس نے اپنے وڈے پتر نوں کسے گل تے غصّے چ آ کے قتل کر دتا سی ، جس نال اسنوں بوہت زیادہ محبت سی ۔ آخر اس دے غم چ گھل گھل کے خود وی مر گئیا ۔
 |
وکیمیڈیا کامنز چ مورتاں: ایوان گروزنی |