اس شکاری پنچھی دے پر نکے تے چوڑے تے لمی پوچھل ہوندی اے۔ ایہ ایہنوں رکھاں تے جنگلاں وچ اڈن تے آلنہ بنان وچ اسانی دیندا اے۔ ایہدے پر اتوں نیلے سانولے تے تھلیوں چٹیاں پؤریاں پٹیاں والے ہوندے نیں۔ نر مادھ نالوں نکے ہوندے نیں تے 46–57 سینٹی میٹر (18–22 انچ) لمے تے پرپسار 89–105 سینٹی میٹر (35–41 انچ) ہوندا اے۔ مادھ 58–69 سینٹی میٹر (23–27 انچ) لمی تے پرپسار 108–127 سینٹی میٹر (43–50 انچ) ہوندا اے۔ نر دا مدرا جوکھ 780 گرام ہوندا اے جیہڑا 500 توں 1200 گرام دے وشکار ریندا اے۔ مادھ دا جوکھ نر توں دوگنا ہوندا اے تے ایہ مدرا 1,220 گرام تک ہوندا اے جیہڑا 820 توں 2,200 گرام دے وشکار ریندا اے۔
