بڈھا تے سمندر

بڈھا اتے سمندر
فائل:Oldmansea.jpg
لکھاری	ارنیسٹ ہیمنگوے
مول سرلیکھ	The old man and the sea
مکھ پنہ ڈزائینر	"a"
دیس	امریکہ
بولی	انگریزی
صنف	ناول
پبلشر	چارلس سکربنرز سنز
پنے	127

اپنی عمر دے 100 سال پورے کر چکیا، گریگوریؤ فئیونتس، جس نوں ہیمنگوے دے ناول بڈھا اتے سمندر دے ہیرو لئی ماڈل منیا جاندا اے، اک چرچہ وچ حصہ لیندا ہویا۔

بڈھا اتے سمندر (مول انگریزی:The old man and the sea, د اولڈ مین اینڈ د سی) امریکی لکھاری ارنسٹ ہیمنگوے ولوں 1951 وچ کیوبا وچ لکھیا اتے 1952 وچ چھپیا اک ناول اے۔ ایہہ ہیمنگوے ولوں لکھی آخری مکھ رچنا اے جو اسنے اپنے جیوندور وچ چھپوائی۔

ایہہ بڈھے ہو رہے ماہیگیر سینٹیاگو تے مرتکز اے جو گلف سٹریم وچ اک وڈا مارلن دے نال جوجھ رہا اے۔ اس ناول لئی ہیمنگوے نوں 1953 وچ پلتزر انعام نال نوازیا گیا گیا اتے نوبل کمیٹی ولوں اس انعام دے حوالے نال ہیمنگوے نوں 1954 وچ ساہت لئی نوبل انعام دتا گیا۔

کہانی سار

ایہہ اک گھاگ اتے تجربہ کار ماہیگیر سینٹیاگو دے عظم دی کہانی اے جو کیوبا دی بندرگاہ ہوانا دے قریب سمندر وچ مچھلیاں پکڑن دا کم کردا اے۔ اسنوں چوراسی دن تک کوئی وی مچھلی پکڑن وچ ناکامی دا ساہمنا کرنا پیا۔ لوکاں وچ اس دی سرے دی بدبختی دی مشہوری ہندی اے۔ اس دے شاگرد نیک دل مانولن نوں اس دے ماپیاں نے بڈھے سینٹیاگو دے نال جان توں روک دتا اتے کسے کامیاب مچھیرے نال وابستہ ہون دا حکم دتا۔ پھر وی مانولن بڈھے نوں ملن آیا۔ اتے پچاسیویں دن سینٹیاگو نے لڑکے توں کجھ چھوٹیاں مچھیاں لئیاں اتے گلف سٹریم وچ کسے وڈی مار لئی روانہ ہویا۔ آخر اوہ اک وڈی مچھی پھساؤن وچ کامیاب ہو ہی گیا۔ مچھی ایڈی وڈی سی کہ اس کولوں ایہہ دھوہی نہیں سی جا رہی۔ سگوں اوہ کشتی نوں دھوہ رہی سی۔ سورج ڈبّ گیا لیکن مچھلی اپنے سفر تے چلدی رہی۔ اس دے نال نال بڈھے دا سفر وی جاری رہا۔ اوہ نال نال ایہہ وی کہی جاندا سی کہ مچھلی میں آخر دم تک تیرے نال رہونگا اتے تیرا ڈٹ کے مقابلہ کرونگا۔ اگلی سویر اس دی ڈور نوں جھٹکا لگا اتے اوہ گھٹنیاں بھار کشتی وچ جا گریا۔ اس دے ہتھ وچوں خون بہہ نکلیا اس نے مچھلی نوں اس وقت دیکھیا، جدوں اوہ اک دم اچھلی اتے دوبارہ پانی وچ چلی گئی۔ اس نوں مچھلی دے شکار وچ بڑیاں ہی مشکلاں پیش آئیاں لیکن اس نے اک پل لئی وی امید دا دامن ہتھوں نہیں چھڈیا۔ دو دن اتے دو راتاں اس جدو جہد وچ لنگھ گئیاں۔ تیسرے دن مچھلی تھکّ گئی اتے کستی دوآلے گیڑے لاؤن لگی۔ بے شمار مشکلاں دے بعد جدوں اوہ کامیاب ہو گیا اتے جنگ جت گیا، اوہ رسی دی مدد نال مچھلی نوں بنھ کے جس بارے اس دا خیال سی کہ اس دا وزن گھٹ توں گھٹ ڈیڑھ ہزار پونڈ ہووےگا، خوشی خوشی گھر نوں روانہ ہویا۔ اس دوران اک خونخار شارق نے مچھلی تے حملہ کر دتا اتے اس دا گوشت نوچنا شروع کر دتا۔ بڈھے نے نیزہ اس دے سر تے دے ماریا۔ شارق الٹ تاں گئی لیکن اس دے ہتھوں نیزہ اتے رسا وی گیا۔ دو گھنٹے بعد ہور شارکاں نے مچھلی تے حملہ کر دتا۔ بڈھے نے چپو نال تیزدھار والا چاقو بنھیا اوہناں نال جدوجہد لئی تیار ہو گیا۔ اوہ اوہناں تمام شارکاں نوں ختم کرن وچ کامیاب تاں ہو گیا لیکن اس وقت تک اوہ مچھلی دا اک تہائی حصہ کھا چکیاں سن۔ بڈھا غمغین سی؛ اس دی محنت ضایع جا رہی سی۔ رات نوں شارکاں اک بڑی تعداد نے بچی کھچی مچھلی تے حملہ کر دتا۔ اوہناں دا مقابلہ کرنا تاں سینٹیاگو لئی کسے طرحاں وی ممکن نہیں سی۔ ایہہ اوہ وقت سی کہ بڈھے نوں شکشت دا احساس ہویا اتے اوہ کشتی چلان لگا۔ رات دے آخری حصے وچ شارکاں نے مچھلی دے جسم تے تکڑا حملہ بول دتا اتے اس دے جسم دا سارا گوشت نوچ کے لے گئیاں۔ اگلے دن پو پھٹن توں پہلاں اوہ ساحل تے پہنچیا۔ تھکیا ہاریا بڈھا جھونپڑی وچ جا کے سوں گیا۔ اکتر ہوئے دوسرے ماہیگیر حیرت نال بڈھے دی کشتی اتے مچھلی دے عظیم پنجر نوں دیکھ رہے سن۔

پنجابی ترجمہ

• بڈھا تے سمندر (انُ۔- پون گلاٹی)
• بڈھا آدمی تے سمندر (انُ۔- اچھرو سنگھ)
• بڈھا تے سمندر (انُ۔- بلدیو سنگھ بدن)

حوالے