کریمیا

آزاد انسائیکلوپیڈیا، وکیپیڈیا توں
(لیایا گیا جزیرہ نما کریمیا)
Jump to navigation Jump to search
کریمیا
Flag of Crimea.svg
Emblem of Crimea.svg
جھنڈا
نشان
راجگڑھ : سواستاپول
رقبا : 26200 مربع کلومیٹر
لوک گݨتی : 19،94،300
حثیت : خودمختار جمہوریا
دیس : روس
Crimean peninsula.svg Map of Ukraine political simple Oblast Krim.png
Crimea republic map.png

کریمیا روس دے ماتحت اک خود مختار لوکراج اے ۔ ایہ کالا سمندر دے اتلے کنڈھے تے واقع اے تے جزیرا نما اے ۔ جمہوریا کریمیا یوکرین دے ماتحت سی ، 2014 وچ روس نے مل مار کے اپنے نال شامل کر لیا ۔ لوکراج کریمیا دا کل رقبا 26 ہزار 200 مربع کلومیٹر اے تے آبادی 2005ء دے مطابق 19 لکھ 94 ہزار 300 اے ۔ ایہدا راجگڑھ سواستاپول اے ۔ ایہ کریمیائی تاتاری باشندیاں دا آبائی دیس اے جیہڑے ہن نسلی اقلیت وچ تبدیل ہو چکے نیں تے کریمیا دی آبادی دا صرف 13 فیصد نیں ۔


تریخ[لکھو]

کریمیا 1441ء توں 1783 ء تک چڑھدے یورپ چ اک آزاد مسلم ریاست "قریم یورتی" یا کریمیا خانیٹ دے ناں نال تقریبا ساڈھے 3 سو سال تک رہیا تے 1475ء توں 1774ء تک سلطنت عثمانیہ دا حلیف تے باجگزار رہیا ۔ 1883ء چ روسی سلطنت نے ایہدے اُتے قبصہ کرکے کریمیا دے خاناں دی حکومت ختم کردتی ۔ پہلاں ایہ علاقا روسی سلطنت تے فیر سویت یونین وچ وفاق روس وچ شامل رہیا پر سویت صدر خروشیف نے ایہنوں یوکرین وچ شامل کردتا ، کیونکہ کریمیا یوکرین دے نال متصل اے ۔ سویت یونین دے خاتمے توں بعد کریمیا یوکرین دا حصہ قرار دتا گیا ۔ 5 اکتوبر 1992ء نوں کریمیا نے خودمختاری دا اعلان کردتا لیکن بعد چ یوکرین وچ خود مختار جمہوریا دے طور تے موجودگی تے رضامندی ظاہر کردتی ۔ 2014 وچ روس نے مل مار کے اپنے نال شامل کر لیا ۔ کریمیا دا علاقا کسے زمانے وچ مسلم اکثریتی علاقا سی تے کریمیائی تاتاری مسلماناں دی ایتھے حکومت سی ۔ مسجداں تے اسلامی درس گاہاں ہر جگہ موجود سن تے جمعہ دے خطبے سلطان دا ناں ليا جاندا سی لیکن روسی سلطنت دی نظر ہمیشہ تون ای اس علاقے تے لگی ہوئی سی سلطنت عثمانیہ دے دوجے علاقیاں وچ الجھن دی وجہ توں روس نوں اس علاقے تے قبضہ کرن دا موقع مل گیا تے روسی سلطنت نے ایتھے قبضا پکا ہُندے ای مسلماناں دا قتل عام شروع کردتا تے روسی لوکاں نوں روسی علاقیاں توں لیا کے ایتھے آباد کرنا شروع کردتا تے رہی سہی کسر سویت یونین دے زمانے وچ مسلماناں دے قتل عام روسیاں دی آبادکاری تے روسی صدر جوزف سٹالن دے حکم تے اپنے آبائی علاقےآں توں کریمیائی تاتاریاں دی جبری ملک بدری نے پوری کردتی جیہدی وجہ توں کریمیا دے اصل باشندے کریمیائی تاتاری مسلمان ایتھے اقلیت وچ رہ گئے ۔