جھیل میڈ

وکیپیڈیا توں
جاؤ: پاندھ, کھوج
جھیل میڈ ، نیواڈا

جھیل میڈ جگ دی سب توں وڈی مصنوعی جھیل اے جہڑی امریکہ چ واقع اے ۔ ایہہ جھیل لاس ویگاس توں 30 میل چڑھدے دکھن چ نیواڈا تے ایریزونا دیاں ریاستاں دے وچکار واقع اے ۔ ایہہ جھیل اوس ویلے وجود چ آئی جدوں 1936ء چ جگ دے سب توں وڈے ڈیم ہوور دی اساری مکمل ہوئی ۔ اس جھیل دا چ اندازا 2 کروڑ 85 لکھ ایکڑ فٹ پانی اے جہڑا بند دے پچھے 110 میل (180 کلومیٹر ) دے علاقے تے پھیلئیا ہوئیا اے ۔

اس جھیل دا ناں ایلووڈ میڈ دے ناں تے جھیل میڈ رکھئیا گئیا اے جہڑا 1924ء توں 1936ء دے وچکار اس بند تے جھیل دی تعمیر دے دوران امریکی ادادرہ برائے بحالی دا کمشنر سی ۔

اس بند دی اساری نال پانی دا جہڑا وڈا ذخیرہ جمع ہوئیا اوہ کئی آبادیاں دی منتقلی دی وجہ بنئیا جنہاں چ سب توں مشہور سینٹ تھامس نیواڈا دی آبادی سی ۔ اس قصبے دے آخری واسی 1938ء چ ایہہ علاقہ چھڈ گئے ۔ کدی کدائیں جدوں جھیل میڈ چ پانی دی سطح تھلے ہو جاندی اے تے اس قصبے دے آثار نظر آندے نیں ۔