جھیل ووستک

وکیپیڈیا توں
Jump to navigation Jump to search
جھیل ووستک کا خلا سے منظر

جھیل ووستک (انگریزی: Lake Vostok) براعظم انٹارکٹیکا وچ پائیاں جانے والیاں 140 توں ودھ نیم یخ تودی (سب-گلیشیئل) جھیلاں وچ سب توں وڈی اے۔ ووستک روسی زبان وچ مشرق نوں کہیا جاندا اے۔ جھیل دا ناں اسی مقام اُتے واقع روسی تجرباتی مرکز ووستک توں موسوم اے۔

ایہ جھیل 250 کلومیٹر طویل تے زیادہ توں زیادہ 50 عریض اے، اس طرح ایہ جھیل اونٹاریو دے حجم دے برابر دی جھیل اے۔ جھیل ووستک 14 ہزار مربع کلومیٹر (5400 مربع میل) دے رقبے اُتے پھیلی ہوئی اے۔ ایہ مٹھے پانی دی جھیل اے۔ مئی 2005ء وچ جھیل دے مرکز وچ اک جزیرہ دریافت ہویا اے۔

جھیل نوں 1996ء وچ روس تے برطانیہ دے سائنسداناں نے دریافت کیتا۔ انہاں نے اس امر دی تصدیق کیتی اے کہ تن کلومیٹر موٹی برف دی تہ دے تھلے جھیل وچ پانی دی وڈی مقدار موجود اے۔

جھیل دے پانی دا اوسط درجہ حرارت منفی 3 درجہ سینٹی گریڈ اے؛ اُتے برف دے بے پناہ دباؤ دے باعث ایہ اس درجہ حرارت اُتے وی مائع ای دی صورت وچ رہندا اے۔ زمین دے اندر دی حرارت اس دے نچلے حصے نوں پانی وچ تبدیل کردیندی اے۔ برف دی موٹی تہ وی اسنوں سطح دے سرد اثرات توں محفوظ رکھدی اے۔