جیجا جی چھت پر ہیں

جیجاجی چھت پر ہیں
کیٹیگری	سٹکام
لکھاری	منوج سنتوشی رگھوویر شیکھاوت
ڈریکٹر	ششانک بالی
اداکار	حبہ نواب نکھل کھرانا انوپ اپادھیائ
دیس	بھارت
مول بولیاں	ہندی
قشطاں دی گنتی	8 مارچ 2019 تک 307
پیداوار
پروڈیؤسر	سنجے کوہلی بنیپھیر کوہلی
ٹکانے	ثانیہ فلم سٹوڈیؤ نئیگاؤں
کیمرہ پربندھ	ملٹی-کیمرہ
چالو سماں	23 منٹ (لگپگ)
پروڈیؤسر کمپنی(آں)	Edit II Productions
ونڈن والا	سونی پکچرس نیٹورکس
پسارا
مول چینل	سب ٹیوی
تصویر دی بناوٹ	576i ایچڈیٹیوی 1080i
آڈیؤ دی بناوٹ	ہندی
پہلی چال	۹ جنوری ۲۰۱۸ء (۲۰۱۸ء-01-۰۹) – حال
باہری کڑیاں
ادھکارت ویبسائیٹ

جیجاجی چھت پر ہیں (پنجابی : کی جیجاجی چھت اُتے ہن؟) اک بھارتی ہندی بھاشی سٹکام ٹیوی سیریل اے جو کہ 9 جنوری 2018 نوں سب ٹی۔وی۔ اُتے پریمیئر ہویا سی۔ اس شو وچ مراری (انوپ اپادھیائ)، جہڑا لگاتار اپنی دھی نوں قابو کرن دی کوشش کردا اے، الائیچی (حبہ نواب)، جہڑی کہ اک چست اتے آزاد سبھاء والی لڑکی اے اتے اوہناں دا وچارا کرائےدار پنچم (نکھل کھرانا)، جو کہ اک سنگیت ڈریکٹر بنن دا چاہوان اے، شامل ہن۔ اس دا اساری Edit II Production ولوں کیتا گیا اے۔

کہانی

مراری لال بنسل ( انوپ اپادھیائ ) چاندنی چوک، دلی وچ اک لہنگے دی دوکان دا مالک اے جو اپنی بیوی کرونا ( سوما راٹھوڑ ) اتے دھی الائیچی ( حبہ نواب ) نال رہندا اے۔ ادھا چاندنی چوک الائیچی دا دیوانہ اے پر اوہ کسے نوں اپنے یوگ نہیں سمجھدی۔ بغاوتی اتے شرارتی الائیچی اپنا کم کڈھواؤن لئی ہر ڈھنگ ورتنا جاندی اے۔ اوہ 21 سال دی عمر وچ وی سکول جاندی اے اتے جانبجھّ کے ہر سال 11ویں کلاس وچ فیل ہندی اے تاں جو اوہ ذمہ واری والا جیون جیون توں اتے ویاہ کرواؤن توں بچ سکے۔

اس شو وچ مراری (انوپ اپادھیائ)، جہڑا لگاتار اپنی دھی نوں نینترت کرن دی کوشش کردا اے، الائیچی (حبہ نواب)، جہڑی کہ اک چست اتے آزاد سبھاء والی لڑکی اے اتے اوہناں دا وچارا کرائےدار پنچم (نکھل کھرانا)، جو کہ اک سنگیت ڈریکٹر بنن دا چاہوان اے، شامل ہن۔

کہانی وچ موڑ ادوں آؤندا اے جدوں مراری اپنے گھر دی چھت / برساتی پنچم ( نکھل کھرانا)، آگرہ توں 24 سال دے اک لڑکے نوں جہڑا کہ سنگیت ڈریکٹر بنن دی خواہش رکھدا اے، کرائے اُتے دے دندا اے۔ پنچم اپنے دوست، پنٹو (ہرویر سنگھ) نال دلی آ جاندا اے۔ ایہناں دوواں کول محدود زریعہ ہن۔ گزارے لئی، اوہ مراری دی دوکان وچ اک معاون وجوں کم کردا اے۔ کیونکہ مراری نے کسے وی کوارے نوں 'برساتی' (چھت اُتے کمرہ) کرائے اُتے نہ دین دا فیصلہ کیتا ہویا اے اس کارن پنچم نوں ویاہتا ہون دا جھوٹھا ناٹک کرنا پیندا اے۔ اوہ پنٹو نوں اپنی بیوی دے طور اُتے عورت بنا کے گھر وچ لے آؤندا اے۔ حالانکہ، الائیچی نوں اس گل دا پتہ لگ جاندا اے۔ اوہ پنچم دے نرم اتے بے گناہ سبھاء کارن اسنوں ترنت پسند کرن لگ پیندی اے۔

اتھوں کہانی اگے ودھدی اے: ادھر پنچم اپنے سنگیت ڈریکٹر بنن دے سپنے، اپنے کم اتے اپنی بیوی دے راز نوں راز رکھن وچ توازن پیدا کرن دی کوشش کردا رہندا اے، ادھر الائیچی لگاتار پنچم نال فلرٹ کردی اتے اس نوں چٹکلیاں اتے ڈراویاں نال چھیڑدی رہندی اے، جدکہ مراری اپنی بیٹی دے سبھاء نوں بدلن دیاں ناکام کوششاں کردا رہندا اے۔

کلاکار اتے پاتر

مکھ

• حبہ نواب -- الائیچی بنسل، اک شرارتی، ضدی، پر مزہ-پسند لڑکی اے۔ اوہ اک سوجھ وان لڑکی اے جو چیزاں نوں اپنے ڈھنگ نال کرنا پسند کردی اے۔ اوہ 11 ویں جماعت وچ چار وار فیل ہو چکی اے اتے اپنے پنجویں یتن وچ پاس ہو جاندی اے۔ اوہ ودھیا گا لیندی اے اتے کدے-کدے پنچم دا گاؤن وچ ساتھ وی دندی اے۔ اوہ پنچم نوں پیار کردی اے۔ شرارتی ہون کارن، اوہ زیادہتر پنچم عرف جیجاجی نال مذاق کردی اے اتے سماں پین تے اس نوں مصیبت توں باہر وی کڈھ لیندی اے۔ سنیتا اسدی سبھ توں عزیز دوست اے، جس نوں اوہ پیار نال 'سنو' کہندی اے۔ اوہ اپنے پروار لئی کوڈ ناواں جویں کہ پنچم اتے پنٹو لئی ہائیڈروجن اتے نائیٹروجن، ماں اتے پیؤ لئی ترتیب وار میتھین اتے ایتھین دی ورتوں کردی اے۔ اس دا تکیہ-کلام "لائیپھ میں ٹنٹے ہو رکھے ہیں"، اے۔
• نکھل کھرانا -- پنچم، آگرہ دے اک چھوٹے جاے نگر دا واسی۔ اسدا اکو اک سپنا سنگیت ڈریکٹر بننا اے۔ اپنیاں ضرورتاں نوں پورا کرن لئی اوہ مراری دی دوکان وچ کم کردا اے اتے اسدی برساتی وچ کرائے تے رہندا اے جس کرکے اوہ الائیچی دیاں شرارتاں دا شکار بندا اے پر اوہ الائیچی لئی بھاوناواں وی رکھدا اے جہڑیاں اوہ اپنے دوست پنٹو توں علاوہ کدے وی کسے ہور نوں نہیں دسدا۔
• انوپ اپادھیائ -- مراری بنسل، اک چاندنی چوک وچ لہنگا دوکان ملک اتے الائیچی دا پیؤ اے۔ اوہ نہ صرف اک اسرکھئت اتے غصے والا پیؤ اے، سگوں اک دکھی سبھاء والا انسان وی اے۔ اسدا زیادہ تر سماں سیلون اُتے چھوٹے دے نال گپاں مارن وچ بیتدا اے۔ اوہ چھوٹے توں علاوہ آسانی نال کسے تے وی بھروسہ نہیں کردا۔ اس نال اوہ اپنی زندگی دا ہر قصے سانجھا کردا اے۔ پر اوہ پنچم نوں جھڑکدا رہندا اے پر اسدا خیال وی رکھدا اے۔ اس دا تاکیا-کلام "بات کر ریا اے بے کار کی"، اے۔
• سوما راٹھوڑ -- کرونا بنسل، مراری دی بیوی اتے الائچی دی ماں۔ اوہ اک عامَ گھریلو عورت اے۔ اوہ اک سمرپت اتے پیار کرن والی ماں اے۔ اس دا چھٹنکی ناں دا اک بھرا اے جس دی اوہ ہمیشاں مالی مدد کردی اے بھاویں اس دا مطلب مراری دی تجوری 'چوں نقد چوری کرنا اے۔ اس دا تاکیا-کلام "میرے تو حصہ ہی پھوٹ گئے"، اے اتے ایہہ کہن توں بعد اوہ رون دی کوشش کردی اے۔
• ہرویر سنگھ -- پنٹو ، پنچم دا پکا دوست۔ اوہ دلی وچ نوکری کرن لئی پنچم دے نال آیا سی۔ پر مراری دی شرط کارن زیادہ تر سماں اس نوں پنچم دی بیوی دے روپ وچ ویکھیا جاندا اے۔ اوہ الائچی دے سبھ توں چنگی دوست سنیتا نوں پسند کردا اے اتے اوہ ایہہ نہیں جاندا کہ سنیتا نوں اسدی اصلیت دا پتہ اے۔ اوہ اکثر "ہاں ہاں، لیلو لیلو" کہہ کے سنیتا دی سیلفی لین دی صلاح دا جواب دندا اے۔
• راشی باوا -- سنیتا عرف سنوں، الائچی دی سبھ توں ودھیا دوست۔ اوہ الائچی وانگ 11ویں جماعت وچ چار وار فیل ہندی آئی اے۔ اوہ ہر وقت الائچی نال سیلفیاں لیندی رہندی اے اتے اسنوں پیار نال ایلو کہہ کے بلاؤندی اے۔ اسنوں پنٹو پسند اے اتے اسنوں پتہ اے کہ اوہ اک آدمی اے۔ اس دا تکیہ-کلام "ایلو سیلفی"، اے۔ ۔

پنرآورتی

• یوگیش ترپاٹھی -- اک مقامی نائی چھوٹا لال، جو اک طریقے نال محلے دا گپوڑی راجا اے۔ اس دے سیلون دا نام "منداکنی ہیئر رموور سلون" اے کیونکہ اوہ اداکارہ دا پرستار اے۔ مراری ہر روز چھوٹے توں مساج کرواؤن لئی اسدے سیلون جاندا اے جو کہ اصل وچ بہت ہی خطرناک ڈھنگ نال مساج کردا اے۔ مراری دی کسے گل اُتے جے چھوٹے نوں غصہ آ جاوے تاں اوہ اسنوں ماردا اے۔ اوہ محلے وچ غلط جانکاری دے کے اسدھے طور تے جھگڑے کھڑے کردا اے۔ جدوں وی مراری خوش ہندا اے تاں اوہ اسنوں پچھدا اے، "سیٹھجی، بغل کے (بال) بنا دوں؟" ۔
• فروز -- چھٹنکی، کرونا دا اپرادھی بھرا۔ اوہ اکثر اپنے غیر-قانونی سرگرمیاں کرکے گرفتار ہندا رہندا اے۔ مراری چھٹنکی نال نفرت کردا اے۔
• نوین باوا -- دروغا پنکی ترپاٹھی، جو گھریلو کم: کھانا پکاؤن، کڈھائی، بنائی آدی وچ بہت دلچسپی رکھدا اے۔ اوہ اک آلسی پولیس انسپیکٹر اے اتے سبھ ایہہ جاندے ہن کہ اوہ اج تک اک وی کیس حل نہیں کر سکیا۔ "پنکیجی پوچھ راے ہیں" اتے "بچپن سے دلی میں رہِ ریا ہوں" جاے اسدے تکیئے-کلام ہن۔
• اپاسنا سنگھ -- پنچم دی ماں۔ پنچم دی ماں نے پنچم دی بیوی الائچی نوں منّ لیا پر بعد وچ ایہہ پتہ لگا کہ پنچم دی بیوی پنٹو اے۔
• ساہیب داس مانکپری -- منگی لال، اک ایماندار کانسٹیبل جو دروغا پنکی نال کم کردا اے۔ اوہ پنکی دے کماں توں چڑیا رہندا اے اتے اکثر غصے وچ اس دا اپمان کردا اے۔ اوہ پنکی دی گل بات دا "ابے ہٹ" کہہ کے جواب دندا اے۔

ہور پاتر

• سنیتا دا پیؤ، مراری بنسل جیہا اک دیکھبھال کرن والا پیو۔ اوہ سنیتا نوں اک امیر لڑکے نال ویاہنا چاہندا اے۔
• چھوٹے دا ماسڑ (انکل)، اک جوتشی۔ چھوٹے لئی اس دیاں بھوکھ-بانیاں ہمیشہ جھوٹھ اتے تباہکنّ ہندیاں ہن۔
• پشپا، اک خواتین کانسٹیبل۔ اوہ اکثر پنکیجی نوں پریشان کرن والے منگی لال دے نال پولیس تھانے وچ دکھائی دندی اے۔
• چھڈو، پنکی دی بیوی۔ اوہ بہت بھاوک اتے کرونا دی اک چنگی دوست اے۔ پر اوہ اپنے پتی پنکی نوں پسند نہیں کردی۔

اعزاز اتے نامزدگیاں

سال	اعزاز	گٹھ	کلاکار	کردار	نتیجہ	زریعہ
2018	دادا صاحب پھالکے انعام	ودھیا رمانٹک جوڑا	حبہ نواب اتے نکھل کھرانا	الائچی اتے پنچم	جیتو
		ودھیا کامیڈی اداکار	انوپ اپادھیائ	مراری بنسل	جیتو

ایہہ وی ویکھو

• ہندی کامیڈی شو دی لسٹ

حوالے

باہری لنک

• Jijaji Chhat Per Hain on IMDb
• Jijaji Chhat Per Hain Archived 2018-04-08 at the وے بیک مشین on Sony Liv