خدا کے لیے
| خدا کے لیئے | |
|---|---|
| فائل:Khuda-kay-liye.JPG پوسٹر | |
| ہدایتکار | شعیب منصور |
| بنان آلے | Shoman Productions |
| لکھاری | شعیب منصور |
| ستارے | Shaan نصیرالدین شاہ فواد افضل خان ایمان علی حمید شیخ |
| میوزک | Rohail Hyatt |
| عکسبندی | David Lemay Ali Mohammad Neil Lisk Ken Seng[۱] |
| ادارت | علی جاوید عامر خان |
| ونڈن آلے | Geo Films Percept Picture Company (India) |
تاریخ نمائش | ۲۰ جولائی ۲۰۰۷ء (پاکستان) ۴ اپریل ۲۰۰۸ء (بھارت) |
ویلہ | 167 minutes |
| دیس | پاکستان |
| بولی | انگریزی پشتو اردو |
| لاگت | پاکستانی روپئے 60 million[۲] (US$ 1 million)[۳] |
| باکس آفس | US$ 2,432,378[۴] |
خدا کے لیئے (Urdu: خُدا کے لئے, انگریزی: "In The Name Of God") 2007 وچّ بنی پاکستانی اردو انگریزی فلم ہے۔ اس دے ڈریکٹر اتے پروڈیؤسر شعیب منصور ہن۔ ایمان علی نے اس فلم نال اپنا کیریئر شروع کیتا ہے۔ اوہ اس فلم وچّ اک اینگلو-پاکستانی کڑی دا کردار اک ایکٹریس وجوں نبھا رہی ہے۔ شان فلم دے ہیرو ہن جدوں کہ امریکی ایکٹریس آسٹن میری سایر اوہناں دی بیوی دا کردار نبھا رہی ہے۔ احمد جہانزیب اتے شجاع حیدر نے اس فلم دے گیت بنائے ہن۔ اس فلم دا نام انگریزی وچّ In the name of God لکھیا گیا ہے جدوں کہ نقاداں دا مننا ہے اسدا انگریزی ترجمہ For God's Sake ہونا چاہیدا سی۔
کہانی
[سودھو]فلم امریکہ وچّ 9/11 دی گھٹنا دے بعد دے حالات نوں بے حدّ گمبھیرتا نال وکھایا گیا ہے۔ ڈریکٹر نے ودیس وچّ بسے مسلمان بھائیچارے دے درد نوں ساہمنے رکھیا ہے اتے ایہہ وی وکھایا ہے کہ اس حادثے نے پاکستان دے مسلماناں نوں کس حد تکّ متاثر کیتا۔ فلم دی کہانی اک اجیہے پروار دی ہے، جسدا اس گھٹنا نال کوئی لینا-دینا نہیں ہے، لیکن جانچ ایجینسیاں ہر وار اوہناں نوں نشانہ بناؤندیاں ہن۔ کہانی اس پروار دے دو بھراواں دے تعلقات دے گرد گھمدی وکھائی گئی ہے۔ دوناں نوں سنگیت دا شوق ہے۔ منصور اپنی اگے دی پڑائی لئی پاکستان توں امریکہ جاندا ہے، جتھے پولیس اسنوں دہشت گرد سمجھکے گرفتار کر لیندی ہے۔ بعد وچّ اتھے اوہ اک امریکی کڑی نال ویاہ کر لیندا ہے۔ دوجے پاسے اس دا چھوٹا بھرا اک بنیادپرست مولوی دے بہکاوے وچّ آکے سنگیت دی مشق چھڈّ دندا ہے اتے جہادی بن جاندا ہے۔ فلم وچّ دوناں بھراواں دی کہانی نال - نال چلدی ہے۔
عامَ مانتا ہے کہ اسلام وچّ سنگیت حرام ہے۔ منیا جاندا ہے کہ چنگے مسلمان دا اک خاص حلیہ ہے اتے اسے طرحاں اسلام وچّ موجود عورتاں دے حق نوں لے کے تمام طرحاں دی غلط فہمیاں ہن۔ خدا کے لیئے وچّ اک شیخ صاحب، مولانا طاہری پوری فلم وچّ اجیہے بیان بکھیردے رہندے ہن مگر اخیر وچّ اس شیخ صاحب دیاں ساریاں دلیلاں نوں اک ذہین ودوان مولانا ولی ڈھہڈھیری کر دندے ہن اتے ایہہ ثابت کردے ہن کہ نہ تاں اسلام وچّ موسیقی حرام ہے، نہ مسلمان دا اک خاص حلیہ ہے اتے نہ ہی اسلام عورتاں نوں دبان دی وکالت کردا ہے۔
کلاکار
[سودھو]- شان منصور وجوں
- فواد افضل خان سرمد وجوں
- ایمان علی مریئم/میری وجوں
- نصیرالدین شاہ مولانا ولی وجوں
- آسٹن میری سایر جینی وجوں
- رشید ناز مولانا طاہری وجوں
- سمی راحیل منصور اتے سرمد دی ماں وجوں
- حمید شیخ شیر شاہ وجوں
حوالے
[سودھو]- ↑ «Khuda Kay Liye: Complete cast and crew details». Bollywood Hungama. دریافتشده در ۲۰۱۰-۱۱-۲۷.
- ↑ «Khuda Kay Liye thaws 43 years of India-Pakistan screen chill». Hindustan Times. بایگانیشده از اصلی در ۲۰۱۳-۰۱-۲۶. دریافتشده در ۲۰۱۰-۱۱-۲۷.
- ↑ «Lollywood hits Bollywood». ABC News. دریافتشده در ۲۰۱۰-۱۱-۲۷.
- ↑ «Khuda Ke Liye (2007)». Box Office Mojo. دریافتشده در ۲۰۱۱-۰۳-۰۶.