دریاۓ گنگا

آزاد انسائیکلوپیڈیا، وکیپیڈیا توں
گنگا
ٹرنا: گنگوتری گلیشیر
انت: خلیج بنگال
لمبائی : کلومیٹر 2,510
دیس: ہندستان, بنگلہ دیش

دریاۓ گنگا ہندستان دا سب توں مشہور تے لمبا دریا اے ،ا س دی کل لمبائی 2510 کلومیٹر اے ۔ ایہہ دریاۓ جمنا نال مل کے اک عظیم زرخیز خطہ تشکیل دیندا اے جہرا شمالی بھارت تے بنگلہ دیش تے مشتمل اے ۔ اس علاقے چ آبادی دی کثافت جگ چ سب توں ودھ اے تے روۓ زمین تے موجود ہر 12واں شخص ، یعنی دنیا دی کل آبادی دا ساڈھے اٹھ فیصد ، ایتھے رہندا اے ۔ بے پناہ آبادی ، آلودگی تے ماحولیات دی تباہی دریا لئی تشویش ناک صورتحال اے ۔ دریآئے گنگا ہندو دھرم چ اک مقدس دریا منیا جاندا اے تے ہندو گنگا دے پانی گنگا جوڑجل نوں متبرک خیال کردے نیں تے اسنوں پینا ، کعراں چ رکھنا تے اس پانی نال اشنان کرنا ثواب دا کم سمجھدے نیں ۔ ہندو اپنے مردے ساڑن دے بعد اینہاں دی سواہ (راکھ) گنگا چ روڑدے نیں ۔ اج کل دریائے گنگا جگ دا سبتوں غلیظ ترین دریا بن چکیا اے تے بے پناہ آلودہ اے اس دی وجہ ہندوآں دی اس نال عقیدت اے ، کیونجے اوہ اس دے پانی چ مردےآں نون ساڑ دے روڑدے آ تے ایتھے آ کے نہانا ثواب سمجھدے نیں تے کنبھ دا میلہ وی اس دریا دے کنارے لگدا اے جس دے دوران اس دریا چ اک اندازے دے مطابق 5 کروڑ لوک اشنان کردے نیں ۔ ایہہ سب اس نوں آلودہ کرن دی وڈی وجہ اے ۔

بارلے جوڑ[سودھو]