دفینہ
دفینہ (انگریزی: Hoard)، قیمتی چیزاں یا نمونےآں دے مجموعے دی آثار قدیمہ دی اک اصطلاح اے، جیہناں نوں بعض اوقات جاݨ بُجھ کے زمین وچ دفن کردِتا جاندا اے۔ دفینہ، جیہڑا سکےآں تے قیمتی اشیاء دا مجموعا اے جو قدیم زمانے توں زمین تھلے دفن سی۔ ایہناں قیمتی اشیاء نوں دفن کرن واݪےآں نے عمومن ایہ کم کچھ عرصے بعد خزانے نوں حاصل کرن دی نیت ناݪ کيتا پَر بعض صورتاں وچ دفن کرن واݪےآں دی موت دی وجہ توں تدفین زمین دے تھلے ای رہ گئی۔ دوسرے لفظاں وچ سونا، چاندی وغیرا تے ہور قیمتی چیزاں جو کہ زمین دے اندر، کندھاں دے اندر، درختاں دے دامن وچ، کھوہاں، آبی گزرگاہاں تے ایہجیاں جگہاں وچ دفن کیتے جاندے نیں تاکہ قُدرتی آفتاں، جنگاں تے چوراں تے ڈاکوآں توں بچ سکݨ۔ خزانے دے شکاریاں، آثار قدیمہ دے ماہرین یا عام لوکاں دے ذریعے دفینہ طویل عرصے بعد دریافت ہوسکدا اے۔ دریافت شدہ ایہناں قیمتی اشیاء نوں عام طور تے "دفینہ" کہیا جاندا جاندا اے۔ کِسے دفینے دی جگہ نوں بُھل جاݨا یا اس جگہ دے جغرافیے وچ تبدیلی، اوہدی ری سائیکلنگ نوں مُشکل تے طویل مُدتی بݨا سکدی اے۔